Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Каталонија һөкумәтинин вәзифәсиндән кәнарлашдырылмыш кечмиш рәһбәри Карлес Пучдемон Испанија һөкумәтинин бу гәрарыны танымадығыны билдириб.
Мәлумата ҝөрә, К. Пучдемон реҝионун мүстәгиллији үчүн динҹ мүбаризәјә чағырыб: “Биз азад дөвләтин јарадылмасы үзәриндә иши давам етдирәҹәјик”.
Сепаратчы лидер бәјан едиб ки, Испанија һөкумәтинин гәрарлары Каталонијанын ирадәсинә зиддир.
“Ел Мундо” јазыб ки, К. Пучдемон вәзифәсини тәрк етмәкдән имтина едәрсә, ону 1 илдән 3 илә гәдәр һәбс ҝөзләјә биләр.
Гејд едәк ки, Каталонија парламенти октјабрын 27-дә мүстәгиллијини елан едиб. Испанија Сенаты исә Конститусијанын 155-ҹи маддәси әсасында реҝионда бирбаша идарәчилијин тәтбигинә гәрар вериб. Бу гәрардан сонра Каталонија парламенти вә һөкумәти бурахылыб. Бу ҝүн Испанија баш назиринин мүавини Марија Сорајја Саенз де Сантамарија Антон Каталонијанын мүвәггәти рәһбәри тәјин олунуб.
Диггәт: Хәбәрдән истифадә етдикдә мәнбәјә истинад лазымдыр
