Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, 13 сајлы ҹәзачәкмә мүәссисәсиндә сахланылан Халид Казымовун һәјаты тәһлүкә алтындадыр.
Јахынларынын вердикләри мәлумата ҝөрә, онун ҝөзләри тутулмаг үзрәдир, өд кисәсиндәки шиддәтли ағрылардан јата билмир. Һалсызлыг вә ҝүҹлү баш ағрылары вар.
Һәмчинин јахынлары билдирир ки, Халид Казымову Мүалиҹә Мүәссисәсинә көчүрмәк әвәзинә, ҸЧМ- нин мәсул шәхсләри она тәзјиг едәрәк сусмағы вә хәстәлији илә бағлы мәлуматы иҹтимаиләшдирмәмәји тәләб едирләр.
Масаллы диндарларындан олан Халид Казымов 2012-ҹи ил сентјабр ајында Масаллы рајонунда журналист Араз Гулијевлә бирликдә һәбс олунуб. О, бејнәлхалг фолклор фестивал ады алтында кечирилән әхлагсызлыг тәдбирин позулмасына ҹәһд ҝөстәрмәк, динҹ сакинләрә вә полис әмәкдашына хәсарәт јетирмәк иттиһамы илә ШӘРЛӘНӘРӘК 8 ил мүддәтинә азадлыгдан мәһрум едилиб.
Диггәт: Хәбәрдән истифадә етдикдә мәнбәјә истинад лазымдыр
