Әһли Бејт (әлејһимус-сәлам) - АБНА – Хәбәр Аҝентлији: “Өз Рәббләринин чағырышына ҹаваб вериб намаз гыланлар вә ишләри өз араларында бир-бирилә мәсләһәтләшмәк оланлар онлара вердијимиз рузидән бәхшиш едәрләр” [1]
Имам Әли (ә) мәсләһәт-мәшвәрәт етмәк һагда бујурмушдур:
“Мәшвәрәт етмәк (доғру) јол тапмағын ҝөзүдүр. Өз рәји вә фикри илә кифајәтләнән шәхс өзүнү тәһлүкәјә атмышдыр.” [2]
“Мәшвәрәт кими (мөһкәм) дајаг јохдур.”[3]
“Мәшвәрәт етмәк төвсијә вә тәшвиг олунмушдур, Чүнки мәсләһәт верәнин рәји (шәхси гәрәзләрдән) пак, мәшвәрәт едәнин нәзәри (шәхси ҝәрәзләр вә мәнфи истәкләрлә) гарышмышдыр.”[4]
“Јаланчы илә мәшвәрәт етмә. Чүнки јаланчы илғым кими узағы сәнә јахын вә јахыны узаг ҝөстәрәҹәк.”[5]
Һәзрәт Мәһәммәд (с) бујурмушдур: “Еј Әли! Горхагла мәшвәрәт етмә ки, мүшкүлүн һәлл јолуну сәнә дар едәр. Симиҹ адамла мәшвәрәт етмә ки, сәни мәгсәдиндән чәкиндирәр. Һәрис адамла мәшвәрәт етмә ки, һәрислији сәнин нәзәриндә ҝөзәл ҝөстәрәр.” [6]
Имам Садиг (ә) бујурмушдур:
“Мәшвәрәт онун дөрд һәддиндән гејри бир һалда баш тутмаз: биринҹи һәдд будур ки, мәшвәрәт етдијин ағыллы олсун, икинҹиси азад вә диндар олсун, үчүнҹүсү дост вә гардашҹанлы олсун. Дөрдүнҹү исә будур ки, өз ширрини она дејәсән, о да өзүн билдијин гәдәр һәмин сирдән аҝаһ олсун вә ону ҝизләтсин, һеч кәсә демәсин.”[7]
“Мәсләһәт едәнин һаггы будур ки, јол ҝөстәрмәкчүн бир фикрин варса она јол ҝөстәрәсән вә бир мәлумат олмаса да, бу саһәдә мәлуматы оланын јанына ҝөндәрәсән.” [8]
“Ким өз (дин) гардашы илә мәсләһәтләшәндә һәмин адам она халис нијјәтлә јол ҝөстәрмәсә, Аллаһ онун дүшүнҹәсини әлиндән алар.” [9]
[1] Шура, ајә 38
[2] Нәһҹүл-Бәлағә, һикмәт 211
[3] Нәһҹүл-Бәлағә, һикмәт 54
[4] Ғурәрул-Һикәм,һәдис 3908
[5] Ғурәрул-Һикәм,һәдис 10351
[6] Иләлуш-Шәраје,сәһ. 559, һәдис1
[7] Мәкаримул-Әхлаг ҹ.2, сәһ.98 , һәдис2280
[8] әл-Хисал,сәһ. 590, һәдис1
[9] әл-Мәһасин, ҹ.2, сәһ 438, һәдис2521
Диггәт: Хәбәрдән истифадә етдикдә мәнбәјә истинад лазымдыр
