Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Шимали Корејанын лидери Ким Ҹонг Ун Јапонијанын үзәриндән кечән баллистик ракет сынағынын, АБШ-а мәхсус Гуам адасында кечириләҹәк әмәлијјатын илк аддымы олдуғуну дејиб.
Шимали Кореја хәбәр аҝентлији КҸНА, Јапонијанын үзәриндән кечән баллистик ракетинин Һwасонҝ-12 ракети олдуғуну тәсдигләјиб. Хәбәрдә ракет сынағынын кечән һәфтә АБШ вә Ҹәнуби Корејанын бирҝә тәлим кечирмәсинә ҹаваб олдуғу билдирилиб.
“Бу Шимали Кореја ордусунун Сакит океандакы әмәлијјатынын илк аддымыдыр вә Гуамдакы планларымыза мәналы бир мүдахиләдир”, - дејә Ким Ҹонг Ун билдириб.
Хәбәрдә ракет сынағынын Ким Ҹонг Унун нәзарәти алтында баш вердији билдирилиб.
Хатырладаг ки, Ҹәнуби Корејанын һәрби рәсмиләри ракетин 2700 км мәсафә гәт етдијини, 550 км-лик һүндүрлүјә чыхдығыны вә Јапонијанын шималындакы Һоккаидо адасынын үзәриндән кечдијини ачыгламышды.
Диггәт: Хәбәрдән истифадә етдикдә мәнбәјә истинад лазымдыр
