Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, милади тарихи илә 29 август 2017 тарихә тәсадүф едән Һиҹри Гәмәри тарихи илә 07, Зил-Һиҹҹә, 1438-ҹи ил Аллаһ Тәаланын јер үзәриндә аләмләрә Ҹанишин тәјин етдији бешинҹи Хәлифә вә Әһли Бејт (әлејһимус-сәлам) Мәктәби давамчыларынын имамы һәзрәт Муһәммәд Багирын (әлејһи сәлам) шәһадәтинин илдөнүмү ҝүнүдүр.
Кәрбәла фаҹиәсинин ҹанлы шаһиди олан бешинҹи Хәлифәнин ләгәби Багирулулум гысалдылмыш формасы исә, Багир олуб.
О, һәзрәт мөһтәрәм атасы, һәзрәт Имам Зејнәлабидинин (әлејһи сәлам) шәһадәтиндән сонра 19 ил он ај һәјат сүрдү вә бу мүддәтдә имамлығын мүһүм вәзифәләрини һәјата кечирди.
Имам Муһәммәд Багир (әлејһи сәлам) өз имамлығы дөврүндә гәсбкар һөкумәт апаратыны дүзҝүн рәһбәрлик хәттинә јөнәлтмәк, халг арасында мөһтәрәм атасынын әнәнәләрини һәјата кечирмәк, халга вә сәһабәләрә рәһбәрлик етмәк, шаҝирдләр јетишдирмәк, Ислами мәдәнијјәти јајылмаг вә тәблиғ етмәкдә бир ан белә гәфләтә гапылмады.
Шиәләрин бешинҹи имамы 114-ҹү һиҹри-гәмәри или зилһәҹҹә ајынын једдисиндә 57 јашында Мәдинә шәһәриндә Әмәви хәлифәләриндән олан Һишам бин Әбдулмәлик тәрәфиндән зәһәрләндириләрәк, шәһид олду.
Биз АБНА олараг бу мүсибәтли ҝүн мүнасибәти илә, башда заманәмизин Рәһбәри Имам Мәһди (Аллаһ Сүбһанәһу Тәала Онун шәрәфли ҝәлишини тезләшдирсин) ҹәнабларына, һагг наиби Имам Хаменеијә, Али Тәглид Мәрҹәләринә, Әһли Бејт (әлејһимус-сәлам) Мәктәби давамчыларына вә бүтүн азадә инсанлара тәслијјәт әрз едирик.
Диггәт: Хәбәрдән истифадә етдикдә мәнбәјә истинад лазымдыр
