Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүдүнја Мүсәлманларынын Али Лидери Ајәтуллаһул-үзма Сејид Әли Хаменеи августун 26-ы президент вә назирләр кабинетинин үзвләрини гәбул етдији ҝөрүшдә, дипломатијада дини вә ингилаби мәнәвијјат вә мүнасибәтин горунмасынын мүһүм олдуғуну билдириб.
Имам Хаменеи ҝөрүшдә, дипломатија аренасында актуал, чевик, сүрәтли вә ајыг һәрәкәт етмәјин лазым олдуғуну билдирәрәк, белә данышыб: “Дипломатија мәсәләләриндә өз ингилабымызла вә ингилабын өзү илә бирҝә ҝәтирдији империализмә гаршы мүгавимәт ҝөстәрмәк, зүлмлә мүбаризә вә һөкмран режимләрә гаршы чыхмаг кими, нормаларла гүрурланмаг лазымдыр”.
Ислам Ингилабынын Али Лидери Ајәтуллаһул-үзма Сејид Әли Хаменеи ингилабчы бахыш вә нормалара садиг галмағын башгаларынын һөрмәт етмәсинә вә етибар газанмаға сәбәб олдуғуну дејиб. Али рәһбәр чыхышынын давамында, дипломатија чәтирини тәкҹә гыса бир нечә өлкә илә јох, бүтүн дүнја илә әлагәләр үчүн ачмағын лазым олдуғуну билдириб.
Үмүмдүнја Мүсәлманларынын Али Рәһбәри Ајәтуллаһул-үзма Сејид Әли Хаменеи Иранын әсас приоритети кими игтисадијјаты гијмәтләндирәрәк, рәсмиләрин ҝәнҹләрин ишсизлији башда олмагла халгын доланышыг проблемләринин һәлли үчүн фасиләсиз сәј ҝөстәрмәли олдугларыны дејиб: “Игтисадијјат нефтдән азад едилмәлидир. Иранын малик олдуғу имкан вә потенсиал вә инсан ҝүҹүнә ҝөрә бу мүһүм һәдәфин реаллашмасы мүмкүндүр”.
Ајәтуллаһул-үзма Сејид Әли Хаменеи ҝөрүшдә президент вә назирләр кабинетинин үзвләринә мүраҹиәт едәрәк, халгын проблемләринин һәлли, мүҹаһид мәнәвијјатына малик олунмасы, даһа чох сәј вә ҹәһд ҝөстәрилмәси вә јорулмазлыг, халгла ҝүҹлү рабитә секторунун инкишаф етдирилмәси, халгын әһвал вә мәнәвијјатынын горунуб ҝүҹләндирилмәси вә вар-дөвләт әлдә етмәк һәвәсиндән чәкинилмәси дахил олмагла 12 төвсијә верди.
Диггәт: Хәбәрдән истифадә етдикдә мәнбәјә истинад лазымдыр
