Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, “Аҹил” сајты “Ираг, Сурија бөһранынын һәллинин гапысы вә Адил әл-Ҹүбејр Әрәбистан сијасәтиндә дәјишиклијин гурбаны” адлы мәгалә дәрҹ едиб.
Мәгаләдә дејилир ки, Ираг вә Сурија ҹәбһәсиндә вә сијасәтиндә дәјишикликләр, онун реҝион өлкәләринә тәсири Ријаз һөкумәтини дүшүнмәјә мәҹбур етмишдир. Беләликлә, Адил әл-Ҹүбејр Али-Сәуд режиминин јени режиминин гурбаны олаҹаг, Иран вә Әрәбистан мүнасибәтләриндә јаранан ҝәрҝинлијинин сәбәбкары кими таныдылараг вәзифәсиндән узаглашдырылаҹаг.
Бир сыра мәсәләләр Али-Сәуд режимини өз сијасәтләринә јенидән бахмаға мәҹбур етди. О ҹүмләдән, әрәб өлкәләри вә Гәтәр арасында јаранмыш бөһран, Јәмәнә гаршы мүһарибә, Ирагын ИШИД үзәриндә гәләбәси, Суријада терроризмин сүмүкләринин сынмасы, Дәмәшг вә Бағдад арасында анлашылан әмәкдашлыға әсасән, ики өлкәнин ордусу сәрһәд бөлҝәләриндә бирләшмәси. Әрәбистан бунлары нәзәрә алараг артыг әлиндә галмыш шанслары әлиндән вермәк вә дәстәкләдији террорчу груплары итирмәк истәмир.
Әрәбистанын тәзә сечилмиш вәлиәһди бу истигамәтдә хариҹи ишләр назири Адил әл-Ҹүбејри вәзифәсиндән узаглашдырмаг, өз кичик гардашы вә һал-һазырда Әрәбистанын Америкада сәфири олан шаһзадә Халид бин Салманы онун јеринә ҝәтирмәк нијјәтиндәдир. Чүнки Ҹүбејр шиәләрә гаршы дүшмәнликдә охун уҹу ролуну ојнајыр. Белә ки, бир нечә дәфә Иранда дини етигада вә мәһдәвијјәтлә бағлы инанҹа сөз һүҹуму етмишдир. Һәтта, иш о јерә гәдәр бөјүмүшдүр ки, Иран вә Әрәбистан арасында мәзһәб мүһарибәси јаранаҹағы горхусу јаранмышдыр.
Мәһәммәд бин Салман өз һөкумәтини әлагәләри бәрпа етмәклә башламаг истәјир. Она ҝөрә дә илк олараг Иранла мүнасибәтләри јенидән гурмаға тәлаш едир. Бунун үчүн биринҹи аддым иранлы зәвварлара һөрмәтлә јанашылмасы иди. Икинҹи аддым исә сијаси саһәдә атылаҹаг вә Адил әл-Ҹүбејр вәлиәһдин гурбаны олаҹаг.
Ријазын Иранла мүнасибәтләрини башламаг үчүн Бағдадан васитәчилик етмәји хаһиш етмәси, Мүгтәда Сәдрин БӘӘ сәфәри, Русија вә Американын Сурија мәсәләсиндә разылыға ҝәлмәси, Сурија ордусунун Һомс вә Һомада бөјүк гәләбәләри, шәрг бөлҝәләриндә силаһлы групларын дөвләтин чағырышаны гәбул едәрәк, өз силаһларыны јерә гојараг тәслим олмасы, бејнәлхалг коалисијанын силаһлы мүхалифәт групларына дәстәк вермәкдән әл чәкмәси, Анкаранын Москва илә әмәкдашлыг етмәјә разы олмасы, күрд мәсәләсинә ҝөрә Анкаранын Вашингтона гаршы һиддәтләнмәси реҝионда бөјүк дәјишикликләри ҝөстәрир вә бу илин сонуна кими өзүнү бир аз да ајдын бүруз едәҹәк. Бүтүн бу мәсәләләр Әрәбистаны да мәҹбур етди ки, Суријада мүһарибә битәнә гәдәр өз мөвгеини дәјишсин.
Диггәт: Хәбәрдән истифадә етдикдә мәнбәјә истинад лазымдыр
