Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән,5 ганунсуз шәкилдә Ијулун 21-дән Гобустан Гапалы Һәбсханасына апарылан Азәрбајҹан Ислам Партијасынын (АИП) сәдри Мөвсүм Сәмәдов августун 15-дә аиләси илә телефон әлагәси сахлајыб.
Бу барәдә АИП лидеринин һәјат јолдашы Меһпарә Сәмәдова "Вәтәнуғрунда" сајтына мәлумат вериб. Меһпарә Сәмәдова дејиб ки, евдән ҝөндәрилән һеч бир совгат Мөвсүм Сәмәдова чатдырылмыр:
“Бу ҝүн Мөвсүм зәнҝ етмишди. Деди ки, почт васитәсилә ҝөндәрдијимиз "пасылка" она верилмәјиб. Түрмә рәиси она дејиб ки, евә десин, почтла совгат јолламасынлар. Ҝәтириб Гобустан Һәбсханасынын гаршысындан версинләр. Һалбуки, биз бу ајын 10-у ҹүмә ҝүнү вәкили дејәндән сонра һәбсханаја совгат апармышдыг. Амма һеч шлагбаумдан да кечмәјә вә колона тәрәф ҝетмәјә гојмадылар. Дедиләр олмаз, режим дәјишилиб. Мәҹбур олуб сәһәриси, ајын 11-и бишмиш јемәкләри ајырдыг вә јалныз гуру јемәкләрдән ибарәт бир чанта почт васитәсилә јолладыг ки, бәлкә буну гајтармазлар. Бу ҝүн ајын 15-и Һаҹы Мөвсүм зәнҝ едиб деди ки, она һеч нә вермәјибләр. Рәис дејиб ки, нәсә вермәк истәјәндә ҝәтириб һәбсханаја версинләр бирбаша, почтла јолламасынлар. Белә чыхыр ки, Гобустан һәбсханасынын рәиси Афтандил Ағајев бизи әлә салыр! Апарырыг алмыр, почтла јоллајырыг вермир Һаҹы Мөвсүмә. Өзү исә бир тәрәфдән вәкилә дејир "бир бағлама совгат ҝөндәрмәјә иҹазә верилир" вә диҝәр тәрәфдән ҝәтирән заман ҝөтүрмүр. Сорушдум нә јејирсиниз? Деди, јанында бир аз пулу олуб, онунла аз да олса, бир шејләр ала билиб. Ҝөрүшә дә иҹазә верилмәјәҹәк һәлә деди. 6 ај сонра бәлкә иҹазә верилди”.
Диггәт: Хәбәрдәнистифадәетдикдәмәнбәјәистинадлазымдыр
