Әһлибејт (ә) Хәбәр Аҝентлијинин вердији мәлумата ҝөрә - Ајәтуллаһ Систанинин Авропада ки нүмајәндәси Һөҹҹәтул Ислам Кәшмири, Нәҹәф шәһәриндә Авропадан ҝәләҹәк тәләбәләр үчүн бөјүк бир мәдрәсә тикилдијини билдириб.
Јени тикиләҹәк мәдрәсәдә тәдрис Авропанын мәшһур дилләриндә олаҹаг.
Кәшмири, бу мәдрәсәнин Авропада Ислама гаршы јајылан мәнфи фикирләрә гаршы мүсбәт фикирләрин формалашмасында бөјүк ролу олаҹағыны билдириб.
ИШИД'ин Ирагда зәрәрсизләшдирилмәсијлә әлагәдар Ислам дүнјасыны тәбрик едән Һөҹҹәтул Ислам Кәшмири, бунлары сөјләјиб: Тәәссүф ки, ИШИД-ин ҹинајәтләри Авропадакы инсанларын фикирләрини Ислама гаршы јөнәлдиб. Авропа дөвләтләриндән бәзиләринин исә бу ишдә хүсуси бир планы олуб. Онлар бәзи сијаси мәгсәдләр ҝүдәрәк Ислам дининә гаршы мәнфи фикирләрин формалашмасына дәстәк верибләр. Ираг вә Суријада мәғлубијјәтә уғрамыш олан ИШИД үнсүрләри јенидән өлкәләринә ҝери гајыдырлар. Өлкәләринә ҝери гајыдан ИШИД мәнсублары һәмин өлкәләр үчүн тәһлүкә мәнбәјинә чеврилиб. Онларын әсл мәгсәди Исламын имиҹинә хәләл ҝәтирмәклә јанашы Авропада формалашмыш исламафобијаны ҝүҹләндирмәкдир.
Кәшмир сөзләринин давамында бунлары гејд едиб: "Бу ҝерчәкләри нәзәрә алараг, мүгәддәс Нәҹәф шәһәриндә бир мәдрәсә ачмаға гәрар вердик. Иншаллаһ бу мәдрәсәдә Авропалы ҝәнҹләр тәһсил ҝөрәҹәк вә ҝерчәк Исламы јахындан вә әсл гајнагларындан өјрәнәҹәкләр. Бу мәдрәсәдә Инҝилис, Франсыз вә Алман дилләриндә тәһсил вериләҹәк. Үмид едирәм ки бу јолла Авропада Ислам әлејһинә јарадылмыш мәнфи фикирләри бирдәфәлик арадан галдырмаға наил оларыг. Бу мәдрәсәни бу ил Гәдир-Хум бајрамында ачаҹағыг" дејә билдириб.
Диггәт! Хәбәрдән истифадә етдикдә мәнбәјә истинад лаызмдыр
