Әһлибејт (ә) Хәбәр Аҝентлијинин еврдији мәлумата ҝөрә - ИШИД террор тәшкилаты тәрәфиндән Суријада шәһид олунан Моһсен Һоҹеҹи-нин аным мәрасиминдә данышан Иран Ингилаб Ҝөзәтчиләри баш командири ҝенерал Мәһәммәд Әли Ҹәфәри, "Индики вахтда Ислам Ингилабыны мүдафиә истәји ҝәнҹләримизә Мүгәддәс Мүдафиә Дөврүндән мирас галыб. Индики шәраитдә дә о заманлара бәнзәр бир шәкилдә АБШ, Сәудијјә Әрәбистаны вә Сионист Режим террорчулары Ираг вә Суријадакы ислами мүгавимәтә гаршы бирләшиб орадакы сијаси системи девирмәк истәјирләр "дејә билдириб.
Ҝенерал Ҹәфәри сөзләрини белә давам едиб: Аллаһын көмәји илә, шиә мәрҹәләринин фәтвалары вә Иранын дәстәји сајәсиндә Ирагдакы бүтүн планлары јерлә бир олуб. Ислам Ингилабынын далбадал зәфәрләр газанмасына шаһид олуруг.
Суирјада мүгавимәт һәрәкатынын инкишафыјла Сурија халгынын сәфәрбәрлији нәтиҹәсиндә бу өлкәнин АБШ тәрәфиндән ишғал едилмә планы уғурсуз олду. Бир заманлар террорчуларын әлинә кечән Һәләб шәһәри исә Ислами мүгавимәт ҝүҹләринин сәјләри нәтиҹәсиндә азад едилиб.
Шәһид Һоҹеҹи-нин дә бу бөлҝәдә Сурија вә Ираг арасындакы ортаг сәрһәдин тәһлүкәсизлијини тәмин етмәк үчүн ҹаныны фәда етдијини билдирән Ингилаб Ҝөзәтчиләри баш командири, "АБШ бу сәрһәди бағлајараг ики өлкә арасында дивар мејдана ҝәтирмәји планлајырды. Анҹаг Шәһид Һоҹеҹи кими мүҹаһидләрин сәјләри нәтиҹәсиндә, бөлҝәдәки Ислами мүгавимәтин вәзијјәти ҝетдикҹә даһа да сағламлашмаја башлады "дејә билдириб.
Ингилаб Ҝөзәтчиләри баш командири, "Шәһидләрин руһу ортаја гојдуглары ҹанлары вә ганлары өнүмүздәки јолу бизә ишыгландырараг, ҹиһад вә шәһадәт мәдәнијјәтини ислам үммәтинә чатдырмагдадыр" дејә вурғулајыб.
Диггәт! Хәбәрдән истифадә етдикдә мәнәбәјә истинад лазымдыр!
