Әһлибејт (ә) Хәбәр Аҝентлијинин вердији мәлумата ҝөрә-Сурија ордусу ИШИД гаршысында јени бир зәфәр даһа газанды.
Сурија ордусу, Сүвејда әјаләтинин ҹәнуб шәргиндәки бәзи стратежи тәпәләри әлә кечирмәсијлә, бу әјаләти ИШИД террор үнсүрләриндән тәмизләди.
Сурија ордусу бундан әввәл дә Сүвејда әјаләтинин шәргидәки бәзи кәндләри ИШИД террор үнсүрләриндән тәмизләмәји баҹармышды. Сурија ордусу, Сүвејда әјаләтиндәки дөјүшләрдә Сурија-Иорданија сәрһәдинин јахынларына гәдәр чатыблар. Сурија ордусунун Сүвејда әјаләтиндә тәшкил етдији сон әмәлијјатда онларла ИШИД террор үнсүрү өлдүрүлүб.
Сурија ордусу сон һәфтәләрдә Дејреззор әјаләтинә доғру ирәлиләмәк үчүн вә бу шәһәри ИШИД-ин әлиндән гуртармаг үчүн бөјүк бир әмәлијјата һазырлашыр.
Инди Суријанын шәргиндә јерләшән Дејреззор шәһәринин бөјүк бир һиссәси ИШИД-ин ишғалы алтындадыр вә Сурија орду бирликләри бу шәһәрин јалныз бир нечә мәһәлләсинин идарәчилијини әлә кечириб.
Диггәт! Хәбәрдән истифадә етдикдә мәнәбәјә исртинад лазымдыр
