Әһли Беjт (әлеjһимус-сәлам) - АБНА – Хәбәр Аҝентлиjинин вердиjи хәбәрә әсасән, бу ҝүн Чин Халг Азадлыг Ордусунун jарадылмасынын 90 иллиjи мүнасибәтилә кечирилән һәрби парадда милли истеһсал олан jени ДФ-31АҜ гитәләрарасы баллистик ракет илк дәфә нүмаjиш етдирилиб.
Чин мәркәзи телевизиjасынын репортажында ракетин максимал учуш мәсафәсинин 10 мин километрә чатдығы геjд олунуб. Парадда 12 минә jахын һәрби гуллугчу иштирак едиб, араларында 100-дән чох тәjjарәнин олдуғу 600 һәрби техника ҝөстәрилиб. Силаһларын бир чох нүмунәләри илк дәфәдир нүмаjиш етдирилир.
Чин Халг Азадлыг Ордусунун тарихи 1927-ҹи ил августун 1-нә, Нанчан үсjанына ҝедиб чыхыр. Чин Халг Республикасынын (ЧХР) ҝәләҹәк һәрби-сиjаси рәһбәрлиjинин өзәjинин әсасы мәһз бу үсjанын ҝедишиндә jаранмышды.
1949-1959-ҹу илләрдә һәрби парадлар һәр ил октjабрын 1-дә, ЧХР-ин jаранмасы ҝүнү кечирилирди. Сонрадан өлкә рәһбәрлиjи бүдҹәjә гәнаәт мәгсәдилә парадлары jалныз jуварлаг тарихләрдә - һәр он илдән бир кечирмәjи гәрара алыб.
Диггәт: Хәбәрдән истифадә етдикдә мәнбәjә истинад лазымдыр
