Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Нардаран иши үзрә һәбс олунан вә һазырда истинтагы апарылан сонунҹу шәхс Елхан Исҝәндәровун ҹинајәт иши үзрә ибтидаи истинтаг баша чатыб.
Бу барәдә Мејдан ТВ-јә мәлумат верән вәкил Фариз Намазлы билдириб ки, онунла бирликдә һазырда сәһһәтинә ҝөрә полисин нәзарәти алтына верилән Әбүлфәз Бүнјатовун да иши мәһкәмәјә ҝөндәрилир.
Фариз Намазлы билдириб ки, Ағыр Ҹинајәтләрә даир ишләр үзрә Истинтаг Идарәсиндә ҹинајәт иши материаллары илә таныш олуб.
Елхан Исҝәндәрова Ҹинајәт Мәҹәлләсинин 28, 214.2.1, 28, 214.2.3, 214-2, 220.2, 228.3, 228.4, 233, 278, 279.1, 281.2, 283.2.3 вә 315.2-ҹи маддәләри илә иттиһам елан едилиб. О, 5 нојабр 2015-ҹи илдә Сабунчу рајон Полис Идарәсинин гаршысында баш верән һадисәләр заманы һәбс олунараг Санунчу рајон Мәһкәмәсинин гәрары илә 15 ҝүн мүддәтинә инзибати һәбс олунуб. Сонрадан Сабунчу рајон прокурорунун протести әсасында Бакы Апелјасија Мәһкәмәсинин гәрарилә Сабунчу рајон Мәһкәмәсинин гәрары ләғв олунараг, онун әмәлләриндә ҹинајәт тәркибинин олуб- олмамасыны мүәјјәнләшдирмәк мәгсәди илә иш Сабунчу рајон прокурорлуғуна ҝөндәрилиб.
Сонрадан ҹинајәт иши арашдырылмасы үчүн Баш Прокурорлуғун Ағыр Ҹинајәтләрә Даир Ишләр Үзрә Истинтаг Идарәсинә ҝөндәрилиб.
Елхан Исҝәндәров ахтарышда олдуғундан 15 март 2017-ҹи илдә полис әмәкдашлары тәрәфиндән һәбс олунуб вә барәсиндә һәбс-гәтимкан тәдбири сечилиб.
Вәкилин билдирдијинә ҝөрә, јахын ҝүнләрдә ҹинајәт иши материаллары бахылмасы үчүн Бакы Ағыр Ҹинајәтләр Мәһкәмәсинә ҝөндәриләҹәк. Бунунла да "Нардаран иши” адлы ҹинајәт ишинин истинтагы тамамилә јекунлашаҹаг.
Диггәт: Хәбәрдән истифадә етдикдә мәнбәјә истинад лазымдыр
