Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АБШ президенти Доналд Трамп Франсада сәфәрдә оларкән һәмкары Емануел Макронун һәјат јолдашы Бриҹит Макрона, "ҝөзәл физики формадасыныз" сөјләјиб.
АБШ президенти Доналд Трамп Франсада сәфәрдә оларкән һәмкары Емануел Макронун һәјат јолдашы Бриҹит Макрона, “ҝөзәл физики формадасыныз” сөјләјиб. “Sky Nеws” јазыр ки, Парис сәфәри заманы Трамп президент ханымына ики дәфә бу ҹүр сөз сөјләјиб. Бу сөзләр сөјләнән заман Бриҹит Макрон АБШ президентинин ханымы Мелани Трампын јанында дајаныбмыш.
“Тһе Guardian” гејд едир ки, Трампын бу сөзләри сосиал шәбәкәләрдә сәрт етиразларла гаршыланыб вә истифадәчиләр АБШ президентини әхлагсызлыгда иттиһам едибләр. “Ҹәнаб Трамп, гадынлар сизин онларын бәдәни барәдә нә дүшүндүјүнүзү ҝөстәрән ирадлары ешитмәк истәмирләр. Бу кобудлугдур вә јерсиз аддымдыр”, – дејә америкалы актриса Ҹеннифер Сибел билдириб.
Хатырладаг ки, өтән ил “Тһе Wasһington Pоst” 2005-ҹи илдә Трампын бир видеосуну јајмышды. Видеода Трамп билдирирди ки, улдуз-милјардер олараг гадынларла һәр шеј етмәји өзүнә рәва билир. 2016-ҹы илин октјабрында Трамп һәмин сөзләрә ҝөрә үзр истәмишди.
Диггәт: Хәбәрдән истифадә етдикдә мәнбәјә истинад лазымдыр
