Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Бакынын Нәсими рајонунда сакинләр биналарын арасында тикинтинин башланмасына ҝөрә етираз аксијасы кечирир.
5-ҹи микрорајон әразисиндә јерләшән Асиф Мәһәррәмов күчәси 46, 48, 50 вә 52-ҹи сајлы биналарын сакинләри сых әразидә тикиләҹәк објектин онларын һәјатыны чәтинләшдирәҹәјини билдирир.
Сакинләр објектин тикинтисиндән сонра 4 бинаја ҝедиш ҝәлишин чәтинләшәҹәјини, тәҹили тибби јардым вә јанғынсөндүрән машынларын дахил олмасы үчүн јолун бағланаҹағыны дејиб.
Иш иҹрачылары сакинләрә “Ниҹат” ММҸ тәрәфиндән тикиләҹәк објектин шаһмат мәктәби олаҹағыны билдириб.
Нәсими Рајон Иҹра Һакимијјәтинә ҝөндәрилән сорғунун ҹавабында исә билдирилиб ки, һәмин әразидә шаһмат клубунун тикинтиси нәзәрдә тутулмајыб.
Диггәт: Хәбәрдән истифадә етдикдә мәнбәјә истинад лазымдыр
