Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Республикасы Исламчы Мәһбусларла һәмрәјлик ҝүнләри мүнасибәтилә Бөјүк Азәрбајҹанын Түркијә, Авропа, Русијадакы дәрдли өвладлары бәјанат јајымлајыблар.
Бәјанаты тәгдим едирик:
Бисмиллаһир-Рәһманир-Рәһим
Кәтәбәллаһу ләәғлибәннә әнә вә русули иннәллаһә гәвијјун әзиз… (Муҹадәлә, 21)
Биз һамымыз һаҹы Мөвсүм, һаҹы Абҝүл, һаҹы Талејик!
Бөјүк Азәрбајҹан халгы!
Өлкәмиз сүрәтли дәјишикликләр әсриндә дәрд, әзаб, мәһрумијјәт, мәзлумијјәт, чәтинликлә үзбәүздир. Өлкәмиз мүстәбид, асылы, динсиз, һәтта анти-дин вә анти-милләт бир дөвләтин әлиндәдир. Мүасир дөврдә халгымыз вә өлкәмиз үчүн гәмли тале јашаныр. Өлкәмизин әсас сәрмајәси олан ҝәнҹләр башга өлкәләрә үз тутуб. Зијалылар тәзијг алтындадыр, диндарлар вә гејрәтли инсанлар һәбсханада јатыр. Игтисади чәтинликләр дөзүлмәз һәддә чатыб. Тәнгидә иҹазә верилмир. Сөз азадлығы боғулуб, илкин әсас һүгуглар рәһмсизликлә тапданыр. Һөкумәт сијаси фәаллары, тәнгидчиләри, диндарлары һагсыз олараг һәбсә алыб. Азад ҹәмијјәтләр тәзјиг алтындадыр, апарыҹы шәхсијјәтләр нәзарәтә ҝөтүрүлүб вурулуб. Һөкумәтин мүхалифләри һәбсханаларда ағыр ишҝәнчә алтындадыр. Наркотика дашынмасы, силаһ ҝәздирмәк, верҝидән јајынмаг, дөвләтә хәјанәт Азәрбајҹан һөкумәтинин әсас бәһанәсидир. Һансы ки бүтүн мүхалифләр гануни фәалијәт ҝөстәрир. Һөкумәт исә ән кичик тәнгидә дөзүмсүздүр.
Азәрбајҹанда демократија тәрафдарларынын һәјаты тәһлүкәдәдир. Азәрбајҹан һөкумәти Авропа Бирлији вә 76 һүгуг мүдафиәчисинин тәзјигы алтында 2016-ҹи илдә 17 нәфәр һүгуг мүдафиәчиси, журналист вә сијаси фәал азад етди. Амма фаҹиә чох ағырдыр. Диндар мәһбусларын чәһәннәми хатырладан һәбсханалардан азад олунмасы еһтималы јохдур. Һәбсдә кичик етираза ҝөрә карса салыныр, Гобустана ҝөндәрилирләр. Етираф алмаг, горху јаратмаг үчүн ишҝәнҹә һәдди ашыб. Фәдакар ҝәнҹ, Азәрбајҹанын үмүди һаҹы Тале ишҝәнҹә нәтиҹәсиндә 3 ҝүн һушуну итирдијини дејәндә бејнәлхаг тәшкилатлар ишҝәнҹә фактларыны арашдырмаг үчүн комиссија ҝөндәрмәк истәди. Амма Азәрбајҹан һөкумәти буна иҹазә вермәди.
Режимә гаршы һәр нөв тәнгиди боғмаг үчүн журналистләрә сијасиләрә вә диндарлара амансыз тәзјиг бу өлкәдә адәтә чеврилиб.
Бејнәлхаг тәшкилатларын һесабатына әсәсән Азәрбајҹанда инсан һагларынын дуруму чох ағырдыр. Мүстәбид һөкумәт мүхалифәт имканларыны мәһдудлашдырмаг үчүн тәлашларыны икигат артырыб. Сахта иттиһамла ағыр һөкмләр чыхарылыр.
Халгын данышан дилләринин әксәри карсда сахланылыр. Өрта әср ишҝәнҹәсинә етираз едәнләр аҹлыг аксијасы ҝечирир. Ишҝәнҹәләрә гаршы бејнәлхалг мүбаризә тәшкилаты сијаси мәһбуслара, Нардалан мәбусларына ишҝәнҹәләрә сон гојулмасыны тәләб едир. Сијаси мәһбуслара вәкилләри вә аиләләри илә ҝөрүш верилмир. Сијасиләр мәһкәмәдә мүдафиә имканларындан мәһрумдур.
Зијалыларын сахта сечкијә, аилә һакимијјәтинә јол ачан конститусија дәјишиклијинә етиразы ән ағыр ҹинајәт сајылыр.
Халгымыз бу ҝүн сөз азадлығы, әгидә азадлығы, дини мәрасимләрин кечирилмәси азадлығы јолунда ағыр баһа өдәјир. Милләтимиз өз һаглары , инсан һаглары јолунда мүгавимәти илә өзүнү дүнјада танытдырыр.
Халгымыздан истәјимиз будур ки, дүнјанын мәдәни вә демократик гурумларына мүраҹиәт етмәклә өз һагг сәсләрини дүнјаја чатдырсынлар, өз өвладларынын һәбсинин, онлара гаршы ишҝәнҹәләрин бәдәлини тәләб етсинләр. Биз бир ағыздан, бир сәслә елан едирик ки, һаҹы Мөвсүм, һаҹы Абҝүл, һаҹы Тале, һаҹы Зүлфүгар, һаҹы Сәрдар кими шәхсијјәтләрин һәбси режимә баһа баша ҝәләҹәк. Режим бу ҹинајәтләринә ҝөрә ағыр баһа өдәјәҹәк. Елан едирик ки онлар тәк дејил. Онларын һәбси һамымызын һәбсидир. Биз һамымыз һаҹы Мөвсүм, һаҹы Абҝүл, һаҹы Талејик! Һамымыз!
Бөјүк Азәрбајҹанын Түркијә, Авропа, Русијадакы дәрдли өвладлары
20 Апр 2017
Диггәт: Хәбәрдән истифадә етдикдә мәнбәјә истинад лазымдыр
