Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Түркијәдә радикал “сүнниләр” Мүсәлманлар арасында вәһдәт тәрәфдары олан нормал сүнни гардашлара гаршы дөвләт сәвијјәсиндә һүҹума кечдиләр.
Мәлумата ҝөрә, 22 апрел тарихдә Түркијәнин Адана шәһәриндә Мүсәлманлар арасында вәһдәтин јарадылыб горунмасынын тәрәфдары олан, ишғалчы исраил вә радиккаллығы мүтәмади олараг чыхышларында тәнгид едән, танынмыш Илаһијјатчы Алпарслан Кујтулун "Фурган" тәшкилатынын Ататүрк адына паркда Ислам Пејғәмбәри илә бағлы кечирмәк истәдији тәдбиринә изин верилмәјиб. Һәмчинин өтән ҝүнләрдә Түркијә президенти Рәҹәб Тајјиб Әрдоғанын көмәкчиси - хүсуси јазы ишләри мүдири Ҹем Күчүкүн Мави Мәрмәрә ҝәмисиндәкиләрә (шәһидләр дахил) манјак, радикал демәсинә етираз олараг кечирмәк истәдији мәтбуат ачыгламасына Әрдоған полисдән чох сәрт тәпки ҝәлиб. Адана Ататүрк Проспекти вә әтрафында мүхтәлиф бөлҝәләрдә шиддәтли олајлар јашаныб.
Полисләр 10 мин нәфәр јахын олан тәшкилат үзвләринә һүҹум едәрәк, сивил инсанлара гаршы зәһәрли газлардан, резин дәјәнәкләрдән, јүксәк тәзјиглә су сычрадан машынлардан истифадә едәрәк ағыр бәдән хәсарәтләри јетирмишдир.
Газлы мүдахиләдән горунмаға чалышан минләрлә адам Адана Мәркәзи Мәсҹидин бағчасына дахил олуб. Түркијәдә вәһдәтчи, Исраил әлејһдары вә Әрдоғанын сијасәтинә сәрт етираз едән сүнни Илаһијјатчысы Алпарслан Кујтул Мәркәзи Мәсҹид өнүндә 8 мин инсане үчүн чыхыш едиб.
Илаһијјатчысы Алпарслан Кујтул чыхышы заманы билдириб ки, “бу рәфтар јалныз Фурган Вәгфинә гаршы дејил, диҝәр Мүсәлман ҹәмијјәтләрә гаршы даһа да сәрт мүдахиләләр олаҹаг, һәтта бу ишин Баш назир вә ондан да үстүн олан президентә гәдәр белә ҝедәҹәк, артыг бу өлкә дә намаз гыланлара јол верилмәјәҹәк ҝүнләрин ҝәләҹәји ҝүн кими ајдын ҝөрүкүр...”
Гејд едәк ки, бу хәбәрләр чох аз медиа тәрәфиндән ишыгландырылыб.
Диггәт: Хәбәрдән истифадә етдикдә мәнбәјә истинад лазымдыр
