Әһлибејт (ә) Хәбәр Аҝентлији-Нардаран һадисәләринә ҝөрә һәбс олунмуш "Мүсәлман Бирлији" Һәрәкатынын үзвү Аббас Һүсејн Бакы Истинтаг Тәҹридханасындан һүгуг мүдафиәчиләринә вә бејналхалг тәшкилатлара мүраҹиәт үнванлајыб.
Јахынларынын Мејдан ТВ-јә тәгдим етдији мүраҹиәтдә дејилир:
"Әзиз һүгуг мүдафиәчиләри вә иҹтимаијјәт нүмајәдәләри!
Билирсиз ки, илләрдир Азәрбајҹан һакимијјәти өз халгына гаршы физики вә мәнәви террор төрәтмәкдәдир. Һагг сөзү дејәнләри шәр-бөһтанларла зинданлара салыр вә ишҝәнҹәләрә мәруз гојурлар. Биз әзәл ҝүндән вәтәнимиздә һәр кәсин фирәван јашамасы үчүн әлимиздән ҝәләни етмишик. Даим мәзлумларын јанында, залымларын өнүндә олмушуг.Мән апрел ајынын 5-дә Бакы Истинтаг Тәҹридаханасында ганунсуз олараг карса салынмышдым. Карсда мәндән башга бир нечә нәфәр дә вар иди. Онлара тәҹридхананын ишчиләри амансыз давраныр, әл-голларыны бағлајыб ишҝәнҹәләр верир вә пис сөјүшләрлә тәһгир едирдиләр. Биз зүлмкарлара етираз етдијимиз үчүн зиндана салындыг вә өз етиразымызы да едирик. Вә бурдан һәр кәсә-хүсусән дә һүгуг мүдафиәчиләринә вә медиа нүмајәндәләринә сәсләнирәм ки, бу мәсәлә илә бағлы аддым атсынлар, өз тәсиредиҹи механизмләрини ишә салсынлар".
Диггәт! Хәбәрдән истифадә етдикдә мәнбәјә истинад лазымдыр!
