Әһлибејт (ә) Хәбәр Аҝентлији-Онун гардашы 2015-ҹи ил нојабрын 26-да Нардаран әмәлијјаты заманы Мүсәлман Бирлији Һәрәкатынын сәдри Талеһ Бағырзадә вә диҝәрләри илә бирликдә һәбс олунан Ҹаббар Ҹаббаровдур.
Нардаран иши үзрә мәһкәмәдә һөкумәтин, о ҹүмләдән Баш Ҹинајәткарлыгла Мүбаризә Идарәсинин (бандотдел) әмәкдашларынын үнванына сәрт тәнгидләри илә јадда галан Ҹаббар Ҹаббаров Бакы Ағыр Ҹинајәтләр Мәһкәмәсинин һөкмү илә 19 ил һәбс ҹәзасы алыб.
Ҹаббар Ҹаббаров “бандотдел”дә онлара верилән ишҝәнҹәләрдән, һәтта онлар биринҹи ханым Меһрибан Әлијеваја шикајәт едәҹәкләрини дејәндә онун да үнванына налајиг ифадәләр ишләдилмәсиндән данышмышды.
Дахили Ишләр Назирлијинин сајтында јајылан мәлуматда иддиа олунур ки, Әлиәсҝәр Ҹаббаров әмәлијјат мәлуматы әсасында сахланылыб. Иддиаја ҝөрә, Әлиәсҝәр Ҹаббаровҝилин һәјәтиндән лүләси вә гундағы кәсилмиш, нөмрәси силинмиш “Карабин” маркалы түфәнҝ, 1 әдәд “РГД-5” гумбарасы вә 1 сүнҝү-бычаг ҝөтүрүлүб. Әлиәсҝәр Ҹаббарова гаршы ҸМ-нин 228-ҹи (ганунсуз силаһ сахлама) маддәси илә иттиһам ирәли сүрүлүб вә Сабунчу Рајон Мәһкәмәсинин гәрары илә һәбс-гәтимкан тәдбири сечилиб. Әлиәсҝәр Ҹаббаровун јахынлары онун ҝүнаһсыз олдуғуну дејир, силаһларын һәјәтә елә полисләрин өзләри тәрәфиндән гојулдуғуну билдирирләр. Сөјләјирләр ки, Әлиәсҝәри һәлә гардашынын мәһкәмәси ҝедән вахтдан изләјирдиләр.
Истисна етмирләр ки, бүтүн бунлар Ҹаббарын мәһкәмәсиндәки тәнгиди чыхышларына ҝөрәдир: “Әлиәсҝәр фәһләлик едиб евә чөрәкпулу ҝәтирирди. Евин јеҝанә чөрәкҝәтирәни иди. Евдә бир башыпапаглы гојмадылар”.
Диггәт! Хәбәрдән истифадә етдикдә мәнбәјә истинад лазымдыр!
