Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, “Советски” кими танынан әразидә сөкүнтү ишләри вә јени јолларын чәкилмәси просеси давам едир. Бу заман бир сыра тарихи биналарла јанашы, һәм мемарлыг, һәм дә тарихи әһәмијјәти олан бир нечә Мәсҹид дә сөкүлдү. Сөкүлән Мәсҹидләр фәалијјәт ҝөстәрмәдији үчүн ҹидди етираз доғурмады.
Ислам.аз-ын әлдә етдији мәлумата ҝөрә, бу дәфә “Советскидә” јүзләрлә инсанын ҝәлдији “Һаҹы Ҹавад” Мәсҹидини сөкмәк истәјирләр. Бир мүддәт әввәл Мәсҹид рәһбәрлијинә билдирилмишди ки, нараһатлыға әсас јохдур, Мәсҹид сөкүлмәјәҹәк. Лакин бу һәфтәнин ҹүмә намазындан сонра өзүнү Мәдәнијјәт вә Туризм Назирлији вә Бакы шәһәр Иҹра Һакимијјәтинин нүмајәндәләри кими тәгдим едән бир нечә шәхс Мәсҹидә ҝәләрәк билдирибләр ки, “2 ҝүн әрзиндә Мәсҹид сөкүләҹәк, Мәсҹиди бошалдын.” Һадисә ҝөзләнилмәз олдуғу үчүн Мәсҹид рәһбәрлији дә чаш-баш галыб вә ҹамаата бу барәдә нә дејәҹәкләрини билмәјибләр.
Гејд едәк ки, сон ҝүнләр диҝәр бир Мәсҹид – Илаһијјат мәсҹидинин сөкүлмәси дә ҝүндәмә ҝәлмишди. Өтән һәфтәнин ҹүмә ҝүнү кимләрсә Мәсҹид рәһбәрлијинә демишди ки, “бу ҝүн сон ҹүмә намазыныздыр. Мәсҹид сөкүләҹәк.” Лакин сонра һәм ДГИДК, һәм дә ГМИ мәсәләни тәкзиб етди. Санки кимләрсә диндарларда гыҹыг јаратмаг вә буна вериләҹәк реаксијаны јохламаг истәјир.
Ону да әлавә едәк ки, бир нечә ил әввәл Ҝүнәшлидә јерләшән “Фатимеји-Зәһра” мәсҹидини сөкмәк гәрары алынмышды. Лакин Азәрбајҹан Президентинин шәхсән ишә гарышмасындан сонра бундан имтина едилди. Амма узун мүддәтдир ки, Мәсҹидин тикинтисинә дә иҹазә вермирләр. Бу аз имиш сонрадан јәни 2017 ҹи илин Феврал ајында исә, дини ишләр үзрә дөвләт комитәсинин сәдр мүавини Ҝүндүз Мәсҹидин әразисинин әлиндән алынмасы вә садәҹә Мәсҹидә ҹүзи бир һәјәт саһәсинин ајрылаҹағы хәбәрини вердир.
Диггәт: Хәбәрдән истифадә етдикдә мәнбәјә истинад лазымдыр
