Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, милјонларла ҹүһүдүн АБШ, Русија, Гәрб өлкәләри вә с. мәнтәгәләрдән ахышараг Фәләстин торпагларыны ишғал едиб ганунсуз јаратдыглары гондарма исраил режимин баш назири Бенјамин Нетанјаһу Азәрбајҹан Президенти Илһам Әлијевә мәктуб ҝөндәриб. Нетанјаһу мәктубунда, өлкә әһалисинин 99%-ни тәшкил едән мүсәлманлара диван тутулдуғу Азәрбајҹан Республикасыны – “мултикултурал һармонијанын нүмунәси” адландырыб.
Бунунла кифајәтләнмәјән Нејаһјаһу, Фәләстин халгынын ганы үзәриндә гурулан, јарандығы андан ҝүнүмүзә гәдәр мүсәлман фәләстинлиләрә диван тутан, онлары сојгырыма мәруз гојан ганичән вә ишғалчы Исраили – “толерантлығын реҝиондакы мајакы” адландырыб.
Ушаг гатили кими ад чыхаран ҹәллад Нетанјаһунун бу ријакар фикирләри, Азәрбајҹанда дөвријәјә бурахылмыш сахта “МУЛТИКУЛТУРАЛИЗМ” ојунунун һардадан гајнагландығыны вә кимләр тәрәфиндән сифариш едилдијини сүбут едир.
“Оху.Аз” сајтынын јајдығы һәмән мәктубда дејилир:
“Һөрмәтли ҹәнаб Президент.
Ҝәлән ај Исраил илә Азәрбајҹан арасында дипломатик мүнасибәтләрин гурулмасынын 25 или тамам олур.
Исраил Азәрбајҹан Республикасынын мүстәгиллијини таныјан илк дөвләтләрдән бири олмасы илә фәхр едир. Өтән 25 ил әрзиндә өлкәләримиз арасында јәһуди вә Азәрбајҹан халгларынын сәмими достлуғуна әсасланан мөһкәм мүнасибәтләр гурулуб.
Дини вә етник чәкишмәләрин чох олдуғу бир дөврдә Азәрбајҹан динләрарасы вә мултикултурал һармонијанын нүмунәсидир. Азәрбајҹан кими, Исраил дә гејри-сабит реҝионда сабитлијин вә толерантлығын мајакыдыр. Үзләшдијимиз чәтинликләрә бахмајараг, өлкәләримиз инкишаф едән игтисадијјат, фираван вә сүлһсевән ҹәмијјәт гурмаға наил олублар.
Өтән илин декабр ајында Бакыда мәнә, һәјат јолдашыма вә бүтүн нүмајәндә һејәтинә ҝөстәрдијиниз мөһтәшәм меһрибанлығынызы вә лүтфкар гонагпәрвәрлијинизи һеч заман унутмајаҹағам. Инанырам ки, бу сәфәр мүхтәлиф саһәләрдә икитәрәфли мүнасибәтләримизин даһа да ҝенишләнмәсинә төһфә верәҹәк. Имзаладығымыз дөрд игтисади сазиш даһа ҝүҹлү әмәкдашлыг мәгсәдләримизә чатмаға көмәк едәҹәк.
Сизинлә ҝәләҹәк илләрдә дә даһа јахындан ишләмәјә вә тезликлә Сизи Исраилдә гаршыламаға үмид едирик”.
Диггәт: Хәбәрдән истифадә етдикдә мәнбәјә истинад лазымдыр
