''Нардаран иши'': Шәрләнәнләр һакимә етираз олараг үзләрини чевирдиләр

Ону сахламаг истәјәндә башыма зәрбә ендирди

Әһлибејт (ә) Хәбәр Аҝентлији- һаким Зејнал Ағајевин сәдрлик етдији, әслиндә формал характер дашыјан, иҹласда зәрәрчәкмиш шәхс кими танынмыш Баш Мүтәшәккил Ҹинајәткарлыға Гаршы Мүбаризә Идарәсинин сабиг әмәлијјат мүвәккили Огтај Оруҹов ифадә вериб. О, ифадәсиндә билдириб ки, Нардаран һадисәләриндән сонра дахил олмуш мәлумат әсасында Ҝәнҹә сакини Рузи Исмајылову сахламаг үчүн Ҝәнҹәјә ҝедибләр: "Биз ону евинин јанында сахладыг. О, әмәкдашларын әлиндән гачмаг истәди. Мән ону сахламаг истәјәндә башыма зәрбә ендирди. Бундан сонра һушуму итирдим. Мәни хәстәханаја апарыблар. Орада комада олмушам. Декабрын 3-дә комадан ајылмышам. Сонра мәни Дахили Ишләр Назирлијинин һоспиталына апардылар. Мәндә олан мәлумата ҝөрә, о, мәни әлиндәки гранатла вуруб. Мәнә гапалы кәллә-бејин диагнозу гојулуб". Даһа сонра о, вәкилләрин суалларыны ҹавабландырыб. О, суалларын чохуна "хатырламырам" ҹавабыны вериб. Вәкилләр ондан Р.Исмајыловун ону нә илә вурдуғуну дәгигләшдирмәк истәјибләр. О, ја ағаҹ парчасы, ја даш, ја гранат олдуғуну, дәгиг хатырламадығыны дејиб. О, ишдән һансы сәбәбдән чыхмасы барәдә суала ҹаваб олараг билдириб ки, сәһһәти илә бағлы ишдән чыхыб. Р. Исмајылов исә ону сахлајан шәхсләрин ичәрисиндә һәмин адамын олмадығыны дејиб.

Даһа сонра Р.Исмајыловун вәкили Шәһла Һүмбәтова чыхыш едәрәк, зәрәрчәкмишин истинтаг вә мәһкәмә ифадәләринин арасында зиддијјәт олдуғуну дејиб вә истинтаг заманы вердији ифадәнин елан едилмәсини истәјиб. Һаким һәмин ифадәни елан едиб. Бундан сонра вәкилләр зәрәрчәкмишдән һансы ифадәни тәсдиг етдијини сорушублар. О, суала белә ҹаваб вериб:

    Һансыны истәјирсиниз гәбул един

Шәһла Һүмбәтова исә һәмин шәхсин ифадәсинин сүбутлар сијаһысындан чыхарылмасы вә барәсиндә хүсуси гәрардад гәбул едилмәси барәдә вәсатәт вериб. Һаким вәсатәтә мүнасибәт билдирмәјиб. Зәрәрчәкмиш шәхс тәгсирләндирилән шәхсләрә гаршы тәләбинин олмадығыны десә дә, сағламлығыны итирдијини билдириб.

Шаһид тәгсирләндириләнләри “вәһһаби” адландырыб

Иҹласда Ҝәнҹә шәһәр Баш Мүтәшәккил Ҹинајәткарлыгла Мүбаризә Идарәсинин рәиси олмуш Расим Гурбанов да шаһид гисминдә диндирилиб. О, тәгсирләндирилән шәхсләри таныдығыны дејиб. О, тәгсирләндирилән Рамин Әлијеви сахлајан заман үзәриндән Талеһ Бағырзадәнин мүраҹиәт китабчасы дејилән китабын тапылдығыны билдириб:

"Пул көчүрәндә ону сахладыг. Ондан Талеһ Бағырзадәдир, нәдир, онун китабы тапылды". Шаһидин сөзләри исә залда әјләшәнләрин наразылығына сәбәб олуб. Онлар билдирибләр ки, Т. Бағырзадә илаһијјатчыдыр. Шаһид онлара "вәһһаби" дејиб. Бу да онунла залда әјләшәнләр вә тәгсирләндирилән шәхсләр арасында мүбаһисәјә сәбәб олуб. Тәрәфләр бир-бирләрини иттиһам едибләр. Һаким исә залда әјләшәнләрин бајыра чыхарылмасы һаггында ҝөстәриш вериб. Тәгсирләндирилән шәхсләр исә бу гәрара етираз едибләр. Онлар билдирибләр ки, һәми шәхсләр залдан чыхарылса, онлар да иҹласда иштирак етмәјәҹәкләр. Һаким исә иҹласын давам едәҹәјини дејиб. Гыса фасилә заманы залда әјләшәнләр чыхарылыб. Даһа сонра просес давам едиб. Иҹласда диҝәр полис әмәкдашы Наил Әләсҝәров ифадә вериб. Тәгсирләндирилән шәхсләр исә мәһкәмәјә үзләрини чевирәрәк етираз едибләр. Онлар вәкилләриндән дә имтина едибләр. Лакин мәһкәмә етиразы гәбул етмәјиб. Даһа сонра вәкил Бәһруз Бајрамов вә диҝәр вәкилләр мәһкәмә тәркибинә етиразла бағлы вәсатәт верибләр.

Мәһкәмә һәмин вәсатәти тәмин етмәјиб.

Зүлфүгар Микајылов исә билдириб ки, онлары һагсыз јерә һәбс едибләр: "Бу 37-ҹи илин давамыдыр. Елә бил, ермәни әсирлијиндәјик".

Гејд едәк ки, Нардаран иши үзрә сахланыланларын әксәријјәти Республикада мөвҹуд олан рүшвәт-хорлуг, мәмур өзбашымалығы, зүлмә вә хаоса гаршы чыхараг әзилән халгын һаггын тәләб едән инсанлардыр!

Просес апрелин 10-да давам едәҹәк.

Диггәт! Хәбәрдән истифадә етдикдә мәнбәјә истинад лазымдыр!