Әһлбејт (ә) Хәбәр Аҝентлијинин вердији хәбәрә әсасән, һазырда Москвада јашајан ермәни Јури Саркисова Бакыда анасынын мәзарыны зијарәт етмәјә иҹазә верилиб. 73 јашлы Саркисов буна ҝөрә, Азәрбајҹанын Русијадакы сәфири Полад Бүлбүлоғлуна миннәтдарлығыны билдириб. Гејд едәк ки, ермәни гоҹа Бакыда јүксәк мүнасибәтлә гаршылашыб. Һәтта анасынын мәзарыны зијарәт едәркән гәбрин үзәринә ҝүлләрин дүзүлдүјүнү ҝөрүб. Өз әзизләринин – анасынын мәзарыны зијарәт етмәк үчүн Кәлбәҹәрә ҝедән Дилгәм Әсҝәров исә бу ҝүн ермәни ҝировлуғундадыр, үстәлик дә, өмүрлүк һәбсә мәһкум едилиб. Дилгәм Әсҝәровун оғлу Күрдоғлу Әсҝәров П.Бүлбүлоғлуна үз тутараг атасы илә ҝөрүшә дәстәк олмасыны истәјир: “Полад Бүлбүлоғлу, шәраит јарат, мән дә атамы зијарәтә ҝедим. 2 ил 6 ајды атамын сәсини ешитмирәм. Неҹә олур, ермәни Бакыја әлини-голуну саллаја-саллаја ҝәлә билир. Һәтта бурда кефлә гаршыланыр, јола салыныр, атам исә оз анасынын, доғмаларынын гәбрини зијарәтә ҝетдијинә ҝөрә ҝиров ҝөтүрүләрәк вәһшиҹәсинә ишҝәнҹәләрә мәруз галыр. Өмүрлүк һәбс верилир. Будурму, инсанлыг, һуманизм?”.
Диггәт! Хәбәрдән истифадә етдикфә мәнбәјә истинад лазымдыр!
