Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, 28 Март 2017 тарихдә Азәрбајҹан Зијалылар Бирлијинин офисиндә Ҝүнаһсыз Һәбс Едилмиш Инанҹлыларын Һүгугларынын Мүдафиәси Комитәсинин топлантысы олуб.
ВЕТЕНУҜРУНДА.АЗ-ын вердији хәбәрә ҝөрә, тәдбирдә өлкәнин танынмыш иҹтимаи-сијаси нүмајәндәләри, журналистләр вә өлкәнин инанҹлы гисми иштирак едиб.
Тәдбирә топлашанлар сијаси мәһбус, Азәрбајҹан Ислам Партијасынын һазырда һәбсдә олан сәдри вә лидери доктор Һаҹы Мөһсүн Сәмәдовун һүгугларынын кобуд шәкилдә позулмасына етираз едибләр.
Тәдбири ачан Азәрбајҹан Зијалылар Бирлијинин сәдри Елдәниз Гулијев өлкәдә инанҹлы шәхсләрә, ејни заманда бүтүн һаггыны тәләб едәнләрә гаршы агрессив мүнасибәти писләјиб:
"Доктор Мөһсүн Сәмәдова гаршы сон ҝүнләр ардыҹыл баш верән һүгуг позунтусунун сәбәби бәлли олду. Дәфәләрлә Мөһсүн Сәмәдову карса салыблар. Бу ҝүнләрдә ону јенидән ики ајлыг карса салыблар.
М.Сәмәдовун вәкили билдириб ки, ону јенидән Гобустан гапалы һәбсханасына гајтармаг үчүн карса салырлар.
Вә ја Шејх Сәрдарын Ширванда кечирилән мәһкәмәсиндә баш верәнләрә нәзәр саланда һакимијјәтин инанҹлы гисмә гаршы гәзәби бир даһа өзүнү бирузә верди. Мәһкәмәјә ҝедән инанҹлы инсанлары полисләрин шәһәрдән говуб чыхармасы, ДЕВАМ сәдри Һаҹы Илгар Ибраһимоғлунун полис тәрәфиндән сәбәбсиз јерә 5 саат сахланылмасы, Гарабағын Азадлығы Уғурунда Ислами Мүгавимәт Һәракатынын сәдри Рөвшән Әһмәдлијә гаршы полис зоракылғы бир даһа ҝөстәрди ки, һакимијјәтин халга, зијалылара вә инанҹлы инсанлара гәзәби ҝетдикҹә артыр. Биз бу ганунсузлуглара гаршы бирҝә мүбаризә апармалыјыг".
Гарабағын Азадлығы Уғурунда Ислами Мүгавимәт Һәракатынын сәдри Рөвшән Әһмәдли исә Конститусијада едилән дәјишикликләри ганунсузлуг адландырды: "Конститусијада едилән дәјишикликләр ганунларымыза зиддир. Бу дәјишикликләрин нәтиҹәсиндә бу ҝүн Азәәрбајҹанда һиҹаб мәһбусу, намаз мәһбусу, ишыг мәһбусу, фаҹебоок мәһбусу, бир сөзлә һәр нөвдә мәһбус вар. Сосиал, сијаси, иҹтимаи, дини мәһбуслар һүгугу кобуд шәкилдә позулмуш инсанлардыр.
Бу ҝүн доктор Мөһсүн Сәмәдову бүтүн дүнја сијаси мәһбус кими таныјыр. Бу ҝүнләрдә Мөһсүн Сәмәдов јенидән ики ајлыг карса салыныб. Сәбәб исә онун гоншу камерада мәһбуса верилән ишҝәнҹәјә етираз етмәси олуб. Гоншу камерадакы мәһбуса елә ишҝәнҹә верилирмиш ки гышгыртысы бүтүн һәбсханаја јајылыб. Ејни һагсызлығы диҝәр сијаси мәһбус Рел сәдри Илгар Мәммәдова гаршы едирләр".
Сонра чыхыш едән АИП-ин сәдр әвәзи Һаҹы Илһам Әлијев Азәрбајҹанда иҹтимаи-сијаси дурумунун арзу едилән вәзијјәтдә олмадығыны сөјләди: "Тәзјигләр вә репрессија һәм инанҹлы кәсимә, һәм дә ки, диҝәр фәаллара вә вәтәндашлара гаршы баш верир. Бу ҝүн Азәрбајҹан инсаны өз һүгуг вә азадлыгларындан лајигинҹә истифадә едә билмир. Проблемләр арадан галдырылмасы үчүн ҹәмијјәтин бирҝә фәалијјәт ҝөстәрмәси зәруридир. Лакин сон вахтлар өлкәнин руһаниләринә гаршы баш галдыран репрессија хүсусилә ҝениш вүсәт алыб".
Һүгуг мүдафиәчиси Намизәд Сәфәров исә өлкәдә үмуми вәзијјәтин аҹынаҹаглы олдуғуну билдирди: "Азәрбајҹанда елә бир тәбәгә јохдур ки, репресијаја мәруз галмасын. Дин хадимләри, сијасәтчиләр, сөзүнү демәји баҹаран ади инсанлар, һәтта һаггыны истәјән тәләбәләр дә һакимијјәтин репрессија машынынын гурбанына чеврилирләр.
Бу ҝүн ҹәмијјәтдә баш верән өзбашыналыглары дејән дин хадимләри, инанҹлылар тәзјигләрә мәруз галырлар. Тәәссүф ки, һакимијјәт һеч бир ҝүнаһы олмајан, сијаси вә дини бахышларына ҝөрә һәбс олунан шәхсләрә гаршы репрессив әмәлләрини һәбсханаларда да давам етдирир.
АИП лидери Доктор Сәмәдова гаршы јөнәлән тәзјигләр буну бир даһа сүбута јетирир. Она ҝөрә дә, биз иҹтимаијјәтин диггәтини бу мәсәләләрә јөнәлтмәли вә бирҝә мүбаризә апармалы, еләҹә дә бејнәлхалг тәшкилатлара һакимијјәтин өзбашыналыглары илә бағлы долғун мәлуматлар чатдырмалыјыг".
Һүгуг мүдафиәчиси Октај Ҝүләлијев Азәрбајҹан һөкумәтинә гаршы бејнәлхалг сәвијјәдә тәпкиләрин артдығыны гејд етди: "Бу тәпкиләрин артмасында илк нөвбәдә Азәрбајҹан халгы актив олмалыдыр
Бир мүддәт өнҹә имзаланан әфв сәрәнҹамына фикир вердинизсә, әфвә дүшән мәһбуслар арасында ағыр ҹинајәт төрәдәнләр даһа чох иди. Һеч бир ҝүнаһы олмајан сијаси мәһбуслар исә әфв олунмады. Халгын апарыҹы кәсими олан сијаси тәшкилатлар, һүгуг мүдафиәчиләри фәаллыг нүмајиш етдирмәлидирләр".
Азәрбајҹан Халг Ҹәбһәси Партијасынын (АХҸП) сәдр мүавини Ҝөзәл Бајрамлы исә чыхышында өлкәдә баш верән һагсызлыглара һәр бир вәтәндашын, бүтөвлүкдә халгын етираз етмәсинин ваҹиблијини вурғулады: "Сијаси вә виҹдан мәһбусларынын һүгугларыны мүдафиә етмәк јалныз Милли Шуранын вәзифә борҹу дејил. Бу ҝүн АХҸП-нин дә 11 нәфәр сијаси мәһбус вә һакимијјәт тәрәфиндән тәгиб олунан онларла үзвүнүн олмасына бахмајараг биз бүтүнлүкдә өлкәдәки сијаси репресијаја гаршы дөјүшүрүк".
Сонра чыхыш едән АИП функсионери Һаҹы Акиф Һејдәрли АИП-ин фәалијјәтә башладығы дөвүрдән индијә гәдәр даима һакимијјәт тәрәфиндән тәзјигләрә мәруз галдығыны дилә ҝәтирди: "Бу ҝүнә гәдәр өлкәдә баш верән һәр бир һагсызлыға өз етиразымызы билдирмишик. Сијаси партија олараг даима һаггын вә һәгигәтин мүдафисәиндә дурмушуг. Мөвсүм Сәмәдовун сонунҹу дәфә 2 ајлыг мүддәтинә карсерә салынмасынын да сәбәби диҝәр бир мәһбуса едилән зүлмә вә ишҝәнҹәјә етираз етмәси, ону мүдафиә етмәси олуб".
Ҝүнаһсыз Һәбс Едилмиш Инанҹлыларын Һүгугларынын Мүдафиәси Комитәсинин топлантысында тәдбирин бәјанаты охунду:
-Тәәссүф һисси илә билдиририк ки, ҝүнаһсыз инсанларын сахта иттиһамларла һәбс олунараг ишҝәнҹәләрә мәруз галмалары өлкәмиздә артыг ади бир һала чеврилмәкдәдир. Бу һәбс вә ишҝәнҹәләрин давамлы сурәтдә даһа чох инанҹлы топлума, диндарлара, руһаниләрә тәтбиг олунмасы өлкә вә дүнја иҹтимаијјәтинин һаглы наразылыг вә һиддәтинә сәбәб олуб.
Сон ајларда сијаси мәһбус, АИП сәдри вә лидери доктор Һаҹы Мөһсүн Сәмәдова гаршы 12 сајлы Ҹәзачәкм Мүәссисәсиндә тәтбиг олунан ишҝәнҹә фактлары, мүхтәлиф бәһанәләрлә узунмүддәтли ҹәрим камерасына салынмасы онун физики мәһвинә јөнәлик ганунсуз һәрәкәтләрдир. Сијаси мәһбус олараг доктор Сәмәдов һагсызлыға гаршы апардығы мүбаризәсинә ҝөрә, азадлыгдан мәһрум едилсә дә онун инсан һагг вә һүгугларына тәҹавүз олунараг ишҝәнҹәләрә мәруз галмасы јолверилмәздир. Ејни заманда сијаси мәһбус, Реал сәдри Илгар Мәммәдовла бағлы һәјата кечирилән ганунсуз ишҝәнҹә фактлары, намаз мәһбусу Шејх Һаҹы Сәрдар Һаҹыһәсәнлинин (Сәрдар Бабајев) һәбс мүддәтинин әсассыз олараг узадылмасы, диҝәр сијаси вә виҹдан мәһбусларына гаршы сағламлыгларынын итирилмәсинә јөнәлик ишҝәнҹә фактлары јолверилмәздир.
Бу ганунсуз һәбс вә ишҝәнҹәләр Азәрбајҹан дөвләтинин бејнәлхалг нүфузуна, дөвләтчилик марагларымыза ҹидди зәрбә вурмагла јанашы өлкәдахилиндә дә арзуолунмаз гаршыдурмалара јол ачыр.
Биз өлкәдә баш верән ганунсуз һәбс вә ишҝәнҹәләрә гәтијјәтлә етираз едир, бу кими һаллара сон гојулмасыны тәләб едирик.
Диггәт: Хәбәрдән истифадә етдикдә мәнбәјә истинад лазымдыр
