Әһлибејт (ә) Хәбәр Аҝентлији-Е.Садыгов билдириб ки, шаирин һәр кәсә саламы вар. Вәкил онун психоложи ҹәһәтдән јахшы олдуғуну гејд етсә дә, Т.Һәсәнлинин сәһһәти илә бағлы ејни сөзү демәјиб: "Психоложи ҹәһәтдән мөһкәмдир, амма сәһһәтиндә ҹидди проблемләр вар. Үрәк наһијјәсиндә кәскин ағрылардан әзијјәт чәкир". Елчин Садыгов вурғулајыб ки, о, мүәсиссә дахилиндә мүалиҹә олуна билмир. Вәкил бунунла бағлы Пенитенсиар Хидмәтинин рәһбәрлијинә мүраҹиәт едәҹәјини сөјләјиб. Гејд едәк ки, сатирик шеирләри илә мәшһур олан Тофиг Һәсәнли ганунсуз наркотик дөвријјәси иттиһамы илә ҝүнаһландырылыб. О, 6 ил мүддәтинә азадлыгдан мәһрум едилиб. Шаир она гаршы ирәли сүрүлән иттиһамы гәбул етмир.
Диггәт! Хәбәрдән истифадә етдикдә мәнбәјә истинад лазымдыр
