Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Ислам Партијасынын лидери Мөвсүм Сәмәдов 12 сајлы Ҹәза Чәкмә Мүәссисәсинин рәһбәрлији тәрәфиндән бајрам ҝүнләриндә карсерә салыныб.
Март ајынын 19-у 3 ҝүнлүк карса салынан АИП лидеринин ҹәза мүддәти битәр-битмәз, онун барәсиндә јенидән 2 ај мүддәтинә карсер ҹәзасы верилиб.
Мөвсүм Сәмәдовла бағлы баш верәнләр өлкәнин инанҹлы ҹамеәси, сијаси аренасы вә иҹтимаијјәт нүмајәндәләри тәрәфиндән етиразла гаршыланыб.
Гурбан Мәммәдов: “Доктор Сәмәдову инҹитмәк вә карса салмагла һагг сөзү дејән диҝәр инанҹлылары да горхутмаға чалышырлар”
“ИсламинСеси” хәбәр верир ки, танынмыш һүгуг мүдафиәчиси Гурбан Мәммәдов АИП лидеринә гаршы јөнәлән тәзјигләрә мүнасибәт сәрҝиләјиб: “Доктор Сәмәдова вә һәбс олунан диҝәр инанҹлылара гаршы атылан һәр бир аддымы, Аллаһа гаршы әдәбсизлик һесаб едирәм. Бу кими тәзјигләр Һаҹы Мөвсүм Сәмәдовун дәмир бармаглыглар архасындан беле һаггы сөјләмәси илә әлагәлидир. Бәзи шәхсләрә һаггын дејилмәси сәрф етмәдијиндән, бу ҹүр ганунсуз һәрәкәтләрә вә тәзјигләрә јол верирләр. Доктор Сәмәдову инҹитмәк вә карса салмагла һагг сөзү дејән диҝәр инанҹлылары да горхутмаға чалышырлар. Лакин анламирлар ки, гәлбиндә Аллаһ севҝиси олан шәхс һеч бир тәзјигдән горхмаз”.
Намизәд Сәфәров: “Доктор Сәмәдова гаршы һеч бир сәбәб олмадан дәфәләрлә бу ҹүр тәзјигләр едилиб вә она карс ҹәзасы верилиб”
Милли Шуранын Координасија Мәркәзинин үзвү, танынмыш һүгугшүнас Намизәд Сәфәров да Һаҹы Мөвсүм Сәмәдовун карса салынмасыны писләјиб: “ Доктор Сәмәдов сијаси мәһбусдур. Бизим өлкәмиздә исә сијаси мәһбуслар ујдурулмуш иттиһамларла мәһкум олунурлар. Һәм дә сонрадан бу ҹүр инсанлара гаршы ганунсуз һәрәкәтләр вә физики зоракылыглар тәтбиг едилир. Һәтта онларын һәбсхана шәраитиндә белә нормал јашамаларына имкан верилмир. Һаҹы Мөвсүм Сәмәдов әтрафында баш верәнләр һәмин һаллардан биридир. Доктор Сәмәдова гаршы һеч бир сәбәб олмадан дәфәләрлә бу ҹүр тәзјигләр едилиб вә она карс ҹәзасы верилиб. Бу да онун ирадәсини гырмаг мәгсәди дашыјыр. Бүтүн баш верәнләри гәтијјәтлә писләјирәм вә Һаҹы Мөвсүм Сәмәдовун тезликлә азадлыға бурахылмасыны тәләб едирәм”.
Ҝүлтәкин Һаҹыбәјли: “Доктор Мөвсүм Сәмәдова гаршы сәрҝиләнән бу давраныш дүзҝүн дејил”
Милли Шуранын үзвү Ҝүлтәкин Һаҹыбәјли исә Һаҹы Мөвсүм Сәмәдовун карса салынмасына мүнасибәт билдирәркән бунлары дејиб: “ Бу һадисәни гәти шәкилдә писләјирәм. Һесаб едирәм ки, Доктор Мөвсүм Сәмәдова гаршы сәрҝиләнән бу давраныш дүзҝүн дејил. Үмумијјәтлә Доктор Сәмәдовун һәбси илә бағлы да кифајәт гәдәр гаранлыг мәгамлар мөвҹуддур. Буна ҝөрә дә, һүгуг мүдафиәчиләри тәрәфиндән сијаси мәһбус кими таныныр. Башда Доктор Сәмәдов олмагла, ганунсуз һәбс едилән диҝәр инанҹлылара гаршы јөнәлән тәзјигләри гәтијјәтлә писләјир вә буну јолверилмәз һесаб едирәм”.
Диггәт: Хәбәрдән истифадә етдикдә мәнбәјә истинад лазымдыр
