Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мартын 27-дә әлијевләр режиминин Бакы Ағыр Ҹинајәтләр Мәһкәмәсиндә төрәтдикләри Нардаран ҹинајәт һадисәләриндән сонра һәбс едилән Шиә руһаниләриндән Гуран Һафизи Һөҹҹәтүл Ислам Һаҹы Зүлфүгар Микајылов, Һөҹҹәтүл Ислам Сејјид Елман Ағајев, Һөҹҹәтүл Ислам Рамил Сејфуллајев, Һөҹҹәтүл Ислам Рузи, Фаиг Аллаһвердијев, Меһман Гулијев, Меһман Мәммәдов, Елдар Бүнјатов, Елхан Һәсәнов, Мүбариз Ибраһимов, Әли Һүсејнов, Исмајылов вә Ҹабир Әлијевин ҹинајәт иши үзрә мәһкәмә просеси давам едиб.
Мәлумата ҝөрә, әдаләтсиз һаким Зејнал Ағајевин сәдрлик етдији иҹласда ШӘРЛӘНӘН Һөҹҹәтүл Ислам Сејјид Елман Ағајев ифадә вериб. О, иттиһамла разы олмадығыны дејиб:
"Террорчулуг инсанларын һәлак олмасына сәбәб олмагдыр. Мәним бу маддәләрлә тәгсирләндирилмәјимә әсас јохдур. Әҝәр Нардаран һадисәләринә ҝөрә һәбс едибләрсә, мәним Нардаран һадисәләри илә һеч бир әлагәм дә олмајыб”.
“Дејирләр, тәгсирләндириләнләр силаһы зибилликдән тапыб. Беләдирсә, зибиллијә силаһ анбары демәк лазымдыр. Зибил јығанлары јохламаг лазымдыр. Јәгин онлар силаһлы бирләшмә јарадыблар. Һәр јердә зибил гутулары гојулуб. Орада нәсә тапмаг үчүн ҝәрәк ону ешәләјәсән. Бу да диндарлара јад әмәлдир ".
Шиә Руһаниси Сејјид Е.Ағајев дејиб ки, истинтаг заманы мүстәнтиг иттиһамла бағлы нәсә сорушмады:
"Јалныз Талеһ Бағырзадә, Зүлфүгар Микајылов вә Мәһәррәмлик мәрасимләри илә бағлы сорушду. Ҝүја Талеһ Бағырзадәнин китабчасы мәним үзәримдән чыхыб. О китабчаны мән илк дәфә мүстәнтигдә ҝөрмүшәм. Мүстәнтиг деди: "Бу, тәһлүкәли китабдыр, әҝәр мәндә ҝөрсәләр мәни дә тутарлар". О китабча Талеһ Бағырзадә тәрәфиндән јазылмајыб. Истинтаг заманы ифадәм ишҝәнҹә вә тәзјиглә имзалатдырылыб. Мәнә ишҝәнҹә верилмәсини Бакы Истинтаг тәҹридханасында да тәсдиг етдиләр. Лакин дедиләр, бу һагда арајыш верә билмәзләр. Ҝүја мәним Талеһ Бағырзадә илә телефон данышығым олуб. Бу јаландыр. Мүстәнтигә дә дедим ки, бу мәсәлә арашдырылсын. Лакин мүстәнтиг буна еһтијаҹ ҝөрмәди.Мәни ганунсуз олараг 21 ҝүн Баш Мүтәшәккил Ҹинајәткарлыгла Мүбаризә Идарәсиндә сахладылар вә ишҝәнҹә вердиләр. Мәним һәбсим сифаришли вә гәрәзлидир. Буну Ләнкәранын иҹра башчысы Талеһ Гарашовун һаггымда вердији хасијјәтнамәдән дә ҝөрмәк олар. О, хасијјәтнамә иттиһамнамә вә бөһтаннамәдир. Ҝүја мән гадынлары һиҹаб бағламаға мәҹбур етмишәм. Мән кимәм ки, белә һәрәкәт едәм? Мәним чыхышларымын һеч бириндә тәхрибат јохдур. Бүтүн чыхышларым интернетдә вар. Хәҹаләт чәкәҹәк һеч бир әмәлим олмајыб. Һеч бир шүбһәли мәркәзлә әлагәм олмајыб. "Бандотдел"дә сахландығым 21 ҝүн әрзиндә ишҝәнҹә вә тәһгирә мәруз галмышам. Мүстәнтиг Мошу Пашајев мәнә кағыз верди ки , дәрһал гол чәк. Мән дә ҝөрдүм силаһ-сурсат јазылыб, имтина етдим. Бундан сонра үстүмә гышгырды ки, охумадан гол чәк. Һәмин вахт вәкил Сәјјад Нурәлијев дә орада иди вә мәнә һәр һансы көмәклик ҝөстәрмирди”.
Һөҹҹәтүл Ислам Сејјид Е.Ағајев дејир ки, бундан сонра голуна гандал вуруб башга отаға апарыблар:
“Орада Елман Бајрамов мәндән Ләнкәранда кечирилән Ашура мәҹлисләри, Талеһ Бағырзадә барәдә сорушду. Сонра тәһгир едиб дөјдү. Ондан сонра мәни Кәрим Әлимәрдановун отағына апардылар. Орада әлләриндә “басебалл” чубуғу илә дөјмәјә башладылар. Кәрим дејирди ки, евиндән силаһ чыхмасы барәдә сәнәдләри гол чәк. Мән зәрбәләрдән мүвазинәтими итирдим вә јыхылдым, гајтармаға башладым. Орада мәни "дубинка" илә һәдәләдиләр. Сонра Кәрим деди ки, етмәсән, аиләни дә ҝәтирәҹәјик. Мән һәбс олунан заман гардашым Низамини дә тутмушдулар. Мән дә тәзјигләрдән сонра мәҹбур олуб гол чәкдим. Мәни голума ҝириб мәһкәмәјә апардылар. Һаким Бабәк Пәнаһов да ҝөрдү ајаг үстә дура билмирәм. Әҝәр мәһкәмә әдаләтли олсајды, ишҝәнҹәјә мәруз галдығымы ҝөрәрди. Ишҝәнҹә илә бағлы Баш Прокурорлуға мүраҹиәт етдим. Онлар да бир нәфәри ҝөндәрдиләр. О да ҝәлиб јазды ки, факт тәсдигини тапмады. "Бандотдел"дә һалым бир нечә дәфә пис олду. Мәнимлә бир јердә галан банк сәдри Ҹаһанҝир Һаҹыјев мәнә бир нечә дәфә тибби јардым ҝөстәриб. Һалым писләшәндә һәким ҝәлмирди. Садәҹә лимон верирдиләр ки, ијлә, үрәјин буланмасын .Иттиһамлар әсассыз олдуғу үчүн барәмдә бәраәт һөкмү чыхарылмалыдыр. Бу ил ислам һәмрәјлији илидир. Руһаниләри тутублар. Дүнја буна нә дејәр? Бир ҝүн Аллаһ бизи мүһакимә едәҹәк. Мән виҹданым гаршысында раһатам. Сиз һакимләри дә виҹданынызла баш-баша бурахырам. Бир руһанинин шәклин һансыса диндарын телефонунда ҝөрүб Хомнејијә охшадыблар. Бунлар белә савадысыздылар. Инди һансыса христиан телефонунда Рома папасынын шәклин сахлајырса, демәк о, Ватикана хидмәт етмиш олур?"
Гејд едәк ки, просес апрелин 3-дә давам едәҹәк.
Диггәт: Хәбәрдәнистифадәетдикдәмәнбәјәистинадлазымдыр
