Әһлибејт (ә) Хәбәр Аҝентлији-Бу ҝүн Бакы Ағыр Ҹинајәтләр Мәһкәмәсиндә дөвләтә хәјанәт етмәкдә тәгсирләндирилән Нардаран Ағсаггаллар Шурасынын сәдри Натиг Кәримов вә Азәрбајҹан Ислам Партијасынын сабиг сәдр мүавини Ингилаб Әһәдовун ҹинајәт иши үзрә мәһкәмәсинин нөвбәти иҹласы кечирилиб.
"Репорт"ун хәбәринә ҝөрә, һаким Әһмәд Гулијевин сәдрлији илә кечирилән гапалы просесдә Н.Кәримовун оғулу Камран Кәримов шаһид гисминдә сәрбәст ифадә вермәкдән имтина едиб.
Даһа сонра диҝәр шаһидләр - Ҝүлханым Рәсулова, Рамиз Манафов, Ниҝар Ағајева, Ҹаваншир Һүсејнова, Сәбуһи Сәлимов, Мәммәдаға Әлијев, Әки Зејналов вә Рауф Мәммәдов диндирилиб. Һәмин шәхсләр ифадәләри заманы Нардаран Ағсаггаллар Шүрасы вә Азәрбајҹан Ислам Партијасы тәрәфиндән 50, 100 вә 250 манат дәјәриндә јардымлар алдыгларыны сөјләјибләр. Мәһкәмәнин нөвбәти иҹласы мартын 30-на тәјин едилиб.
Диггәт! Хәбәрдән истифадә етдикдә мәнбәјә истинад лазымдыр!
