Әһлибејт (ә) Хәбәр Аҝентлијинин вердији мәлумата ҝөрә - Москвада нәшр олунан Коммерсант гәзети бу ҝүн нәшр етдији бир анализдә бунлары јазыб: "Исраилин Баш назири Бенјамин Нетанјаһу бу ҝүн Москваја реаллашдырдығы сәфәрдә, рәсми Москваны Иранын Суријадакы нүфузуна манеә төрәтмәјә чағырыб. Бу сәфәр Нетанјаһунун Америкада һөкумәтин дәјишмәси вә Суријада атәшкәсин елан едилмәсиндән сонра реаллашан илк сәфәридир. Дүнја сијасәт аренасында баш верән әһәмијјәтли дәјишикликләр Русија вә Исраил лидерләри арасындакы данышыглары чох әһәмијјәтли едир.
Исраилли дипломатик гајнагларын ачыгламаларына ҝөрә, Америка президенти Доналд Трaмп'ын дәстәјини алан Нетанјаһу, Русијанын Дөвләт башчысы Владимир Путини Иранын бөлҝәдәки нүфузуна манеә төрәтмәј мәгсәди илә бир тәшкилат јарадылмасына разы етмәјә чалышыр. Исраил баш назиринин Москваја сәфәри Нетанјаһунун феврал ајында Инҝилтәрә Баш назири Тһереса Мај илә Лондонда вә сонра Америка президенти Доналд Трaмп илә Вашингтонда вә гәрбли лидерләрлә реаллашдырдығы ҝөрүшләрин давамы олараг гијмәтләндирилир. Барак Обама һөкумәтинин Иран мөвзусунда мүвәффәгијјәтли ола билмәјдијини билдирән Нетанјаһу, Американын јени башчысы вәзифәјә башладыгдан сонра Америка Бирләшмиш Штатларында сијаси саһәдә јашанан дәјишмәдән өз леһинә истифадә етмәк үчүн дәрһал Америкаја сәфәр етмишдир.
Јени илин әввәлиндән етибарән Москва, Нетанјаһунун үчүнҹү һәдәфидир. Бу сәфәрләрин ичәрисиндә ән мүвәффәгијјәтли оланлары, Иран илә апарылан Нүвә Сазишинин дүнја тарихиндәки ән пис анлашама олдуғуну дүшүнән Американын јени президенти илә реаллашан ҝөрүшмәләрдир. Трумп бу ҝөрүшдә Нетанјаһуја бунлары сөјләмишдир: "һөкумәтим индидән Ирана гаршы јени санксијалар тәтбиг етмәји дүшүнүр вә ҝәләҹәкдә дә Иранын нүвә силаһы әлдә етмәсинә манеә төрәтмәк үчүн даһа чох иш апарылаҹаг." Исраилин Баш назири Москвада даһа артыг сәј ҝөстәрмәлидир. Бенјамин Нетанјаһу Владимир Путин илә реаллашдырдығы ҝөрүшдә Нүвә Сазиши мәсәләсинә дә тохунараг, Иранын Суријадакы гејри-конструктив мөвге тутдуғуну вурғулајыб, бу мөвзунун Русијанын мәнфәәтләрини дә әһатә етдијини билдирәрәк Русијаны Иранла әмәкдашлыгдан чәкиндирмәк истәјиб.
Исраилин Ливан Һизбуллаһ Һәрәкатынын ҝүҹләнмәсиндән горхур
Исраилли дипломатик гајнаглар бунлары билдириб: "Иран әсҝәрләринин Ҝолан тәпәләриндәки тутдуғу мөвгеләр, нечә олурса олсун гәбул едилмәздир. Чүнки Иран лидерләри дәфәләрлә Исраилин јох олмасынын Иранын һәдәфи кими вурғулајыблар. Ејни заманда бизим үчүн әсл тәһлүкә, Иранын бизим сәрһәдләримиздә давамлы олараг Һизбуллаһы дәстәкләмәсидир. Һизбуллаһын Русија истеһсалы силаһлар кими мүасир һәрби силаһлар әлдә етмәси Исраил үчүн гәбул едилә билмәз бир вәзијјәтдир. Биз Русија тәрәфиндән Сурија Ордусуна верилән силаһларын Һизбуллаһын әлинә кечмәмәси мөвзусуну чох диггәтли бир шәкилдә тәгиб едирик. "
Ирана гаршы бир коалисија јаратмаг үчүн Русијаны ҹәзбетме сәјләри
Москва Дөвләт Университетинин Тарих, Политолоҝија вә Һүгуг Мүәллими Грег Ҹусаҹһ, Нетанјаһунун Москваја сәфәринин, Америка, Исраилин, Көрфәз өлкәсләри вә Түркијәдән ибарәт олан Ирана гаршы јарадылаҹаг олан коалисијаја Русијаны да ҹәзб етмә истигамәтиндә бејнәлхалг сәјләрин бир парчасы олдуғуну дүшүнүр. Бу мүтәхәссис Коммерсант-а бунлары сөјләјиб: "Исраил тәрәфинин Иранын Суријадакы фәалијјәтләринин фајдалы олмадығы вә Јахын Шәргә зәрәр вердији истигамәтиндәки сөзләри, ејни Сәудијјә Әрәбистаны вә Көрфәз өлкәләри рәсмиләринин ачыгламалары кимидир. Исраил вә бу әрәб өлкәләри арасында дипломатик әлагәләр олмамасына бахмајараг, биз ики тәрәфин дә Иранын бөлҝәдәки нүфузундан нараһатлыг дујдуғуна шаһид олуруг. "
Диггәт! Хәбәрдән истифадә етдикдә мәнбәјә истинад лазымдыр!
