Әһлибејт (ә) Хәбәр Аҝентлијинин вердији мәлумата әсасән Фәрат саһилиндә вә әл-Әсәд ҝөлү әтрафында јерләшән Хәфса гәсәбәси һәм дә Һәләб әјаләтинин чох һиссәсини су илә тәмин едән гурғуларын јерләшдији бөлҝәдир. ИШИД 3 ајдыр ки бу су гурғуларыны дајандырмыш вә сујун Һәләбә доғру ҝетмәсинин гаршысыны алмышды. Гејд едәк ки, 2940 км узунлуғунда олан Фәрат чајынын 610 км-и Сурија әразисиндән кечир ки, онун саһилләринә әсасән ИШИД нәзарәт едир. Сурија Ордусу Дираззур шәһәриндә Фәрат саһилиндә ҹәми бир нечә км саһилә нәзарәти сахлаја билмишди. Бу о демәкдир ки, Сурија Ордусу сон 5 илдә апардығы әмәлијјатлар чәрчивәсиндә илк дәфәдир ки Фәратын саһилинә чата билиб. Бундан сонра Сурија Ордусу Фәратын саһили илә ҹәнуб-шәргә доғру јәни Рәгга әјаләтинин инзибати мәркәзи Рәггаја вә стратежи Тәбәга шәһәринә доғру ирәлиләјә биләҹәк.
Диггәт!Хәбәрдән истифадә етдикдә мәнбәјә истинад лазымдыр
