Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ГАТ сәдри журналистләрә вердији мүсаһибәсиндә Ермәнистанын Гарабағы ишғал алтында сахламасындан 25 ил өтмәсинә ишарә едәрәк дејиб: “Гарабағын ишғал едилмәсиндән сонра мәсәләни һәлл етмәк үчүн Америка, Франса, Русија вә диҝәр бир нечә Авропа өлкәсинин иштиракы илә груп јарадылды. Сонрадан мәлум олду ки, бу өлкәләр өз марагларыны тәмин етмәк үчүн реҝиондакы мәсәләјә мүдахилә едибләр”.
Акиф Нағы вурғулајыб: “Ермәнистан тәрәфи јалан тәблиғатларла һәгигәти дүнјадан ҝизләтди. Онлар тарих боју Азәрбајҹана гаршы чохлу хәјанәтләр едибләр. Бүтүн дүнја билмәлидир ки, Гарабағ Ислам торпағыдыр”.
Гарабағ мәсәләсиндә Минск групуна дахил олан өлкәләрин өз марагларынын тәмин етмәләри ардынҹа олдугларыны билдирән ГАТ рәһбәри дејиб: “Бу сәбәбдән дә онлар Ермәнистаны дәстәкләјирләр. Она ҝөрә Гарабағ да Фәләстин, Јәмән вә Ираг кими Ислам дүнјасынын диггәтиндә олмалыдыр”.
О, Иранын реҝионда бөјүк ислами ҝүҹ олдуғуну бәјан едәрәк дејиб: “Бу ҝүнләри Ислам өлкәләри Фәләстин халгыны дәстәкләмәк үчүн Иранда топланырлар. Бу мөвзу Иранын реҝионда гүдрәтини ҝөстәрир”.
Акиф Нағы мүсаһибәсинин диҝәр һиссәсиндә дејиб: “Азәрбајҹанла мәдәни вә иҹтимаи мүнасибәтләри олдуғу үчүн Иран да Гарабағ мәсәләсинә дахил ола биләр. Чүнки империализм реҝионда Ислам мәдәнијјәтини мәһв етмәјә чалышыр”.
ГАТ сәдри вурғулајыб: “Мүсәлманларын ики мүгәддәс мәканы олан Гүдс вә Кәбә сионистләр вә вәһабиләр тәрәфиндән ишғал едилмишдир. Бү ҝүнләри Кәбәјә ҝетмәк үчүн вәһабиләрин јасагларынын, Гүдсә сәфәр етмәк үчүн сионистләрин гадағасынын шаһидијик. Бу мәсәлә Ислам дүшмәнләрини мүсәлманларын топланышларындан горхдугларыны ҝөстәрир”.
“Христианларын бир илдә 10 мин нәфәри топлаја билмәдији бир һалда һәр ил Әрбәиндә Кәрбәлада вә һәҹҹ мәрасиминдә милјонларла мүсәлманын топлашмасы Ислам дүшмәнләрини горхуја салыр. Дүшмән бу топлантыны дағытмаға тәлаш едир”-дејә, ГАТ рәһбәри билдириб.
О, Гарабағын ишғалыны бир даһа диггәтә чатдырараг дејиб: “Бу мәсәлә дә Ислам дүшмәнләринин ишғал сијасәтинин бир һиссәсидир. Онлар Исламы мәһв етмәјә чалышыр. Биз мүсәлманлар онларын бу иши етмәсинә иҹазә вермәјәҹәјик”.
ГАТ сәдри Иран Ислам Республикасынын реҝионда сүлһ тәрәфдары олмасыны гејд едәрәк дејиб: “Иран бу истигамәтдә бөјүк аддымлар атды. Ајәтуллаһ Рәфсәнҹанинин президент олдуғу дөврдә Гарабағ мәсәләсинә ҝөрә Азәрбајҹан вә Ермәнистан өлкәләри бир араја ҝәлди. Анҹаг Ермәнистанын өз вәдинә әмәл етмәмәси разылашманын позулмасына сәбәб олду”.
Диггәт: Хәбәрдән истифадә етдикдә мәнбәјә истинад лазымдыр
