Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Бакы режими тәрәфиндән ШӘРЛӘНӘРӘК һәбс олунан Шиә руһаниләри Мөвсүм Сәмәдов вә Абҝүл Сүлејмановун һәјат јолдашлары Нардаран Һадисәләри заманы ШӘРЛӘНӘРӘК 20 ил бөјүк зиндандан кичик зиндана көчүрүлән руһани Тале Бағырзадәнин һәјат јолдашына мәктуб јазыблар.
Абҝулсулејманов.cом сајты мәктубу тәгдим едир
Лејла ханым Бағырзадәјә мәктуб:
"Ја Рәһим
“Әла иннә әвлијәәл-лаһи лә хәвфун әләјһим вә лә һум јәһзәнун”.“Билин вә аҝаһ олун! Аллаһын достлары үчүн һеч бир горху вә гәм-гүссә јохдур”. (Јунус сурәси, 62-ҹи ајә)
Аллаһын достлары кимләрдир? О кәсләрдир ки, Она иман ҝәтириб һәр бир шәраитдә тәгвалы оларлар. Чәтин ҝүнләр һамы үчүн габаға ҝәлир, бу чәтинликләрә ҝөзәллик вә мәна бәхш едән будур ки, чәтин ҝүнүндә адамын саһиби вә јол ҝөстәрәни Аллаһ-таала олсун.
Әзиз баҹымыз Лејла, инанырыг ки, сән дә мәһз беләләриндәнсән. Чәтин ҝүнләрдә сығындығын бөјүк бир пәнаһҝаһын вар: О да Бөјүк вә Мәрһәмәтли Аллаһын мөһкәм галасыдыр. Бу пәнаһҝаһа үз ҝәтириб сығынанлар – гәм-гүссәнин горхунун нә олдуғуну билмәзләр.
Биз дә бир мәһбус аиләси олдуғумуз үчүн бәлкә дә сәни диҝәрләриндән даһа јахшы анлајырыг. Һәр һалда мәһбус аиләси диҝәр мәһбус аиләсинин кечиртдији һиссләри даһа ајдын дәрк едә билир.
Әзиз баҹымыз, һәр чәтин ҝүнүндә Гуранла мәсләһәтләш – о сәнә ән ҝөзәл јол ҝөстәрән олаҹаг!
Белә оланда гаршылашдығын һәр чәтинлик нә гәдәр бөјүк олса белә, адама ағыр ҝәлмир, бәлкә пак јолда олдуғуну анлајанда бу сәнә һәзз верир. Бәзән бу ҝүнләр адама узун ҝөрүнә биләр, амма сыхынтысыз, гајғысыз ҝүнләримизлә мүгајисә етдикдә - чох аздыр вә мүтләг чох ширин бир сонлугла нәтиҹәләнәҹәк. Бу ширин сонлуғу, бөјүк гәләбәни дүшүнәндә адам о гәдәр руһијјә алыр ки, чәтинликләрә ағуш ачыб онлары севдији адам тәкин гуҹагламаг истәјир...
Әсас будур ки, Аллаһ-таала сәнин һәјатына 3 стимул вә енержиһәдијјә едиб: о үч пак өвладын сәнин һәјат стимулун вә һәјат енержиндир.
Мәһкәмә өнундәки чыхышларыны дәфәләрлә динләдик, сөзүн дүзү, һејран галдыг! Сән халгымызын мәрд вә шүҹаәтли ҝәнҹ диши асланысан! Бундан артыг нә демәк олар ки...
Бир ҝүнаһсыз мәһбус үчүн зинданын сојуг диварлары арасында ҝүн кечиртмәк чәтин олса да, зиндандан бајырда буҝүнкү Азәрбајҹан реаллығында атасы зиндан һәјаты јашајан ушаглары бөјүтмәк , онларын ҝүндәлик гајғыларыны чәкмәк һеч дә зинданда олмагдан асан дејил. Әслиндә бир мәзһәкә олан бу мәһкәмәләрин 1 илдән чох чәкмәси, орадакы олајлар, инсанларын арасындан досту-дүшмәни танымаг, бәзиләриндә заһирән инсан ҹилди алтындан һансы ејбәҹәр сурәтин чыхдығыны ҝөрмәк һеч дә зиндан һәјаты јашамагдан асан дејил вә бунлара һәр адам дөзә билмәз. Бүтүн бунлара бәзи гоһумларын “ҹанынјаналыгла” вердикләри “ағыллы мәсләһәтләри” әлавә етсәк мәнҹә јашадығымыз мәнзәрәни дүзҝүн тәсвир етмиш оларыг. Өзләрини “гајғыкеш” кими гәләмә вериб үрәјиндәки сонунҹу үмиди дә ҹидди-ҹәһдлә сөндүрмәјә чалышырлар белә үздәнираг гоһумлар. “Ахы нијә һаҹы сизи дүшүнмүр? “Сәнин кими ҹаван гадыны белә проблемләрә салыр...”, “Отуруб өз ишилә мәшғул олсајды, нә олаҹагды ки?! Нијә сијасәтә гарышыр ахы?”... вә с.
Бунлара сәбр етмәк үчүн мөһкәм ирадә, ҝүҹлү иман лазымдыр. Ҝөрүнүр ки, сәнин Аллаһа олан сарсылмаз һүснү-зәннин ҝетдикҹә сәни мөһкәм бир даға дөндәриб. Елә бир дағ ки, достлар она сығыныр, дүшмәнләр исә ондан чох чәкинирләр...
Аллаһ-таала һеч вахт она һүснү-зәнни олан гулуну тәк бурахмыр. Онун лүтфүнә, мәрһәмәтинә хош үмиди оланы Аллаһ һеч вахт наүмид етмир.
Бәзиләрибунаинанабилмәсәбелә ...
Бәзиләри инана билмир ки, ахырда гәләбә, зәфәр, уғур вә һәр бир јахшылыг һаггла олаҹаг. Вә сон анҹаг чәтинликләр үчүндүр... Белә шәхсләр Аллаһын нүсрәтинә вә көмәјинә инанмырлар...
Үрәкләриндә белә дејирләр, ахы неҹә ола биләр ки, бөјүк вә ҝүҹлү гүдрәтләр гаршысында әлијалын зәфәр чала биләсән?...
Гысасы, Аллаһа суи-зәнн едирләр! Инанмырлар! Тәәссүф ки, имансыз вә дүшүнҹәсиз күтләләр дә онлара инаныр вә онларын сөзүнү “мәнтиг”, “узагҝөрәнлик” вә буна охшар һесаб едирләр. Бах буна дејирләр, Аллаһа гаршы суи-зәннә узагҝөрәнлик дону ҝејиндирмәк! Мүнафигләр беләҹә өзләрини авам инсанларын ҝөзүндә ағыллы вә узагҝөрән ҹилвәләндирирләр! Тарихә бахсаг, ҝөрәрик ки, нәмрудлар, фиронлар, језидләр, вә с... гаршысында кимләр гәләбә чалыб. 1400илдир кимин үчүн әзадарлыг едилир? Һәр ил дә бу мәрасим сајсыз-һесабсыз инсанларын ахыныјла ҝенишләнмәкдәдир. Белә ки, бүтүн дүнја буна һејран галыр...
Ағыллы әслиндә о кәсдир ки, горху илә дејил, ағлы илә дүшүнүр вә ән бөјүкгүдрәт олараг јалныз Аллаһы ҝөрүр! Беләликлә, әзиз баҹымыз, бу заһирән “ағыллы” вә “ҹаныјананлары” һеч вахт ҹиддијә алма. Чүнки, илк ҝүнләр һәр ҝүн, һәр саат сәнин бејнини јејәҹәкләр, амма бир нечә ҝүндән сонра һеч сәнин саламыны белә алмајаҹаглар!
Әзиз баҹымыз Лејлаҹан, үмидин анҹаг Аллаһа олсун! Ки, еләбеләдәвар!
Чох дүзҝүн дејибләр ки, һәр шүҹаәтли вә мәрд кишинин архасында һөкмән ондан да шүҹаәтли вә мәрд бир ханым дурур. Бир сөз дә дејим ки, иншАллаһ, ҝүнаһсыз мәһбусларымыз башыуҹалыгла Азадлыға чыханда дејә билмәзләр ки, бөјүк ишләри тәк кишиләр јеринә јетирә биләр һаа...
Һөрмәтлә: Зәһра Сүлејманова, Меһпарә Сәмәдова
Диггәт: Хәбәрдән истифадә етдикдә мәнбәјә истинад лазымдыр
