Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын Азәрбајҹандакы сәфирлији Республика Прокурорлуғунун РеАЛ Һәрәкаты илә бағлы арашдырмасына реаксија вериб. Сөһбәт сәфирлијин дипломатыјла РеАЛ Һәрәкаты нүмајәндәләри арасында кечирилән ҝөрүшдән ҝедир.
Сәфирлијин Мәтбуат хидмәтиндән "стратег.аз"-а дахил олан бәјанатда Иранла Азәрбајҹан арасында мөвҹуд мүнасибәтләрин ҝенишләнмәсини истәмәјән даирәләрин һәр һансы бир бәһанә әсасында ики дөвләтин достлуг әлагәләрини корламаға чалышылдығы гејд олунуб:
"Бир даһа Азәрбајҹан Республикасынын бәзи медиа гурумларында Иран Ислам Республикасы илә Азәрбајҹан Республикасы арасында мөвҹуд мүнасибәтләрин ҝенишләнмәсини истәмәјән даирәләрин Иранфобија хәтти үзрә фәаллашдығынын шаһиди олдуг. Онлар һәр һансы бир бәһанә әсасында Иран Ислам Республикасы илә Азәрбајҹан Республикасы арасында достлуг мүнасибәтләрини корламаға чалышырлар. Бу дәфә Иран Ислам Республикасынын Бакыдакы сәфирлијинин бир әмәкдашынын олдугҹа ајдын, һәм дә дипломатик фәалијјәтә ујғун олараг кечирдији ҝөрүш һеч бир әсас олмадан бәзи медиа васитәләринин һәдәфинә чеврилиб".
Сәфирлик һесаб едир ки, һәм ҝөрүшдән өнҹә, һәм дә ондан сонра Бакыда фәалијјәт ҝөстәрән мүхтәлиф сәфирлик әмәкдашларынын бу кими ҝөрүшләри һеч бир заман һәмин медиа гурумларынын ән хырда реаксијасы илә үзләшмәјибләр.
Мәтбуат хидмәти РеАл-чыларла ҝөрүшүн Иран вә Азәрбајҹан арасында достлуг мүнасибәтләринә зидд олмадығыны, сәфирлијә гаршы јазылмыш иттиһам вә алдадыҹы јаланларын һүгуги арашдырылмасы үчүн гануни һагга малик олдуғуну билдирир.
"Иран вә Азәрбајҹан арасында мүнасибәт вә әмәкдашлыг ики дост вә гардаш өлкә олараг һәр ики өлкәнин рәһбәрләринин ирадәси илә даһа да мөһкәмләнир вә бүтүн саһәләрдә уғурла давам едир. Бу бахымдан, үчүнҹү гүввәләр бу саһәдә һеч бир әнҝәл јарада билмәзләр”,-дејән сәфирлик бир даһа КИВ-и ики өлкә мүнасибәтләрини горумаг үчүн диггәтли олмаға вә икитәрәфли әлагәләрин ҝенишләнмәси үчүн әмәкдашлыға дәвәт едиб.
Диггәт: Хәбәрдәнистифадәетдикдәмәнбәјәистинадлазымдыр
