Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Бакы режиминин Шиәләрә гаршы апардығы зәһәрли сијасәти заман өтдүкҹә үзә чыхмагдадыр. Белә ки, Бакынын Нардаран гәсәбәсиндәки “мәлум” һадисәләрлә әлагәдар һәбс олунанларын сырасында Ләнкәран сакини Иса Ибраһимовун да ады чәкилир.
Лакин онун атасы Тофиг Ибраһимов билдириб ки, әмәлијјат кечирилән заман оғлу өлкәдә олмајыб. Иса Ибраһимов Нардаран һадисәләриндән бир гәдәр өнҹә Ирагын Кәрбәла шәһәринә зијарәтә јолланыб. Кечирилән әмәлијјатлардан тәхминән 1 ај сонра өлкәјә гајыдаркән Астара сәрһәд-бурахылыш мәнтәгәсиндә сахланылыб. Орадан полис идарәсинә апарылан И.Ибраһимов ардынҹа јашадығы үнвана ҝәтирилиб, өзүнүн иштиракы илә полис әмәкдашлары тәрәфиндән евинә бахыш кечирилиб. Сонрадан Ләнкәран сакини барәсиндә ҹинајәт иши ачылыб вә чыхарылан гәрара әсасән, һәбс-гәтимкан тәдбири сечилиб.
Нардаран иши илә әлагәдар кечирилән икинҹи мәһкәмә просесиндә Иса Ибраһимов да диҝәр һәбс олунанларла јанашы һаким өнүнә чыхарылыб.
Атасынын сөзләринә ҝөрә, оғлунун Нардаран һадисәләри заманы вә ондан өнҹә өлкәдә олмадығы һалда һәбс олунанларла ејни ҹинајәт ишиндә ҝүнаһландырылмасы анлашылан дејил. Тофиг Ибраһимов дејир ки, һәмин әрәфәдә Исанын өлкәдә олмадығыны сүбут едән сәнәдләр вар. Лакин Дахили Ишләр Назирлијинә Ләнкәран Иҹра Һакимијјәтинин башчысы Талеһ Гарашов тәрәфиндән Иса Ибраһимов барәсиндә јазылан хасијјәтнамәдә билдирилир ки, ҝүја о Иранда тәһсил алыб. Лакин Иранда тәһсил аланлар ДТХ-дә гејдијјатдадыр. Иса исә Иранда дини тәһсил алмајыбдыр. Һәмчинин хасијјәтнамәдә билдирилир ки, илаһијјатчы Елман Ағајевлә бирҝә "Ҹүмә" мәсҹидиндә һәмфикирләрини топлајыб, дөвләт вә һүгуг-мүһафизә органларынын әмәкдашларына гаршы кәскин һәрәкәтләр етмәјә тәһрик етмиш, һадисәләрлә бағлы һәбс олунмуш Талеһ Бағырзадәнин вә Зүлфүгар Микајылзадәнин гејд-шәртсиз азад едилмәсини тәләб етмишдир. (ред-Хасијјәтнамәнин там мәтнини ашағыда ҝөстәриләҹәк).
Тофиг Ибраһимов һәмчинин Ләнкәран Иҹра Һакимијјәтинин башчысы Талеһ Гарашову јанлыш хасијјәтнамә јаздығына ҝөрә мәһкәмәјә верәҹәјини билдириб.
Хатырладаг ки, Иса Ибраһимов 17 декабр 2015-ҹи илдә Иранда Азәрбајҹана ҝәләркән сәрһәд бурахылыш мәнтәгәсиндә һәбс едилиб. Барәсиндә ағыр иттиһамларла ҹинајәт иши ачылараг Нардаран ишинә бирләшдирилиб.
Диггәт: Хәбәрдән истифадә етдикдә мәнбәјә истинад лазымдыр
