Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АБШ Ордусунун хүсуситәјинатлылардан ибарәт бир бөлүјү Јәмәндә әл-Гаидәјә гаршы әмәлијјат заманы гәтлиам төрәдибләр.
АБШ хүсуситәјинатлыларынын бу әмәлијјаты Јәмәнин әл-Бәјда әјаләтиндә һәјата кечирилиб. АБШ мәнбәләри бу әмәлијјатын 30 һәрби тәјјарә, һеликоптер вә пилотсуз тәјјарәнин мүшајиәти илә баш тутдуғуну билдирибләр. Әмәлијјатда мәгсәд әл-Гаидәнин әлиндә олан АБШ журналистини азад етмәк олуб. Лакин әмәлијјат заманы журналист дә өлүб.
АБШ мәнбәләри әл-Бәјда әјаләтинин Јәкла бөлҝәсиндәки бу әмәлијјатда 40 әл-Гаидә үзвү о ҹүмләдән әл-Гаидәнин Јәмәндәки танынмыш үзвләриндән бири Әбдүррауф Зәһәбин өлдүрүлдүјүнү иддиа етсәләр дә, лакин Анадолу Аҝентлијинин мәлуматына ҝөрә аз сонра бурада 16 мүлки шәхсин гәтлиам едилдији ортаја чыхыб. Һәмин ҹинајәтләрин ҝөрүнтүләрини тәгдим едирик:
Диггәт: Хәбәрдән истифадә етдикдә мәнбәјә истинад лазымдыр
