Тоһид Ибраһимбәјли Илһам Әлијевә сәмими мүраҹиәт етди: "Бу халг севдији хидмәтчисини ајаға вермәз"

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Республикасына һаким кәсилмиш әлијевләр режиминә Гум Елми Һөвзәсиндә Али Тәһсил алан руһани Тоһид Ибраһимбәјлидән ачыг мәктуб үнванланыб.

Мәктубун там мәтнин тәгдим едирик:



Ҹәнаб Илһам Әлијев Һејдәр оғлу.

Салам Әлејкум



Ола биләр јаздығым сөзләр сәни нараһат етсин. Амма һәгигәт будур ки, јаздығым бүтүн кәлмәләр сәмимијјәтлә, хејирхаһлыг нијәти илә јазылыб. Бәзи вахтлар өзүм өзүмә дејирәм ки, әҝәр бу һакимијјәт өз халгына ҝүвәнсәјди инди она буна ҝөз тикиб, давамы үчүн гапы гапы диләнмәзди. Һәмишә саир милләтләрә нүмунә олан мүсәлман Гејрәтли, зәнҝин мәдәнијјәтә малик олан меһрибан вә вәтәнпәрвәр, халгы олан һакимијјәт нијә диләнмәлидир?

Бу Халг вәфадарлығы вә фәдакарлығы Имам Һүсејн (әлејһи сәлам) мәктәбиндән өјрәниб. Бу халг она хидмәт едәни һеч вахт тәк гојуб, архасын бошалтмаз. Сән әҝәр милләтиви севиб, бу халга мәһәббәт етсән бу халг бир чөрәји 9 милјон арасында бөләр. Амма севдији хидмәтчисини кимсәнин ајағына вериб, она дал чевирмәз.

Сән халгывы севә билмирсән. Чүнки мәлум режимләр бу халгы сәнә тәһлүкәли халг кими таныддырыблар. Амма һечдә белә дејил. Бу халг ола биләр һансыса бир залим вә ишғалчы режим үчүн тәһлүкәли ола. Амма өз хидмәтчисинә һәмишә садиг вә вәфадар олар. Сән һеч бу халгын потансијалларындан истифадә етмәк белә иҹазәсинә малик дејилсән. Нијә ҝәрәк һәр бир ҹәһәтдән биздән зәиф олан өлкә 20% торпагларымызы ишғал етсин? Сәндә 20 ил атәшкәслә бу ишғалы вә зилләти гәбул едәсән? Нијә?

Ҹәнаб илһам Әлијев нәјин чатышмыр? Нијә торпаглары ҝери алмырсан? Валлаһ һәтта һеч бир силаһында олмаса бу халгын гејрәти Гарабағын азадлығы үчүн кифајәт едәр. Сән бу ишғалы өз һөкүмәтивин сиғортасы кими һесаб едирсән. Һалбуки һәр бир дөвләтин сиғортасы ҝәрәк онун ҝүвәндији халг олсун. Сән халгыва ҝүвәнмирсән. Чүн ки, халгын сәнә гаршы гәлбләрдә олан үмуми нифрәтиндән там аҝаһсан. Амма һәгигәт будур ки, сәнин бу дәјәрли милләти севмәк ләјагәтини сәндән алыблар. Сәни мәҹбур едибләр ки, бу милләтә дәјәр верән гејрәт вә һәјаны бу милләтдән аласан. Шәһвәтпәрәстлиј вә әјјашлығы халг арасында јајыб бу халгы робут бејинли гејрәтсиз ики ајаглы мәхлуга чевирмәј сифаришини алмысан. Нәтиҹәдә бу милләтин бүтүн милли вә мәнәви сәрвәтини һеҝемон ҝүҹләрә һәдијә едиб тахт вә таҹывы ики ҝүн артыг горујасан.

Илһам бәј әјјашлыг вә гумарбазлыг сағлам вә мүстәгил тәфәккүрү инсандан алыр. Үмумијјәтлә гумарбаз инсанлар ән белә дәјәрли вә мүгәддәс сајдыгларыны да гумарда удуза биләрләр. Сәнинлә гумар ојнајыллар. Сәндә өзүн јахшы билирсән ки, нәләри удузмусан вә нәләри удузмаға мәҹбурсан. Бу гумарын нәтиҹәси әввәлдән мәлумдур. Разылашмыш футбол нәтиҹәсинә бәнзәјир. Садәҹә фигур кими ојнамага мәҹбурсан. Ојунун әснасында сәнә ҝол вурмаг шансыныда белә верәрләр. Ҝолда вурарсан. Амма сонда ҝәрәк нәтиҹә онлар дејән кими олсун.

Сәндән вә атандан нәләр тәләб едибләр јахшы билирсән. Сән онлара бәли ҹавабы вермәјә мәҹбур дејилсән. Буну дәрк елә. Бир гејрәтли ојунчу нәтиҹәси әввәлдән разылашан бир милли ојунда өзүнә ҝәлиб бүтүн гәрарлары алт үст едә биләр. О нәтиҹәни милләтинин гәләбәси илә тамамландырар. Бәли о ојунчу нәтиҹәни тәјин едән мафијанын гәзәбинә түш ҝәләҹәк. Бу мәлум мәсәләдир. Амма О гејрәтли ојунчу горхмамалыдыр. Буну јахшы билмәлидир ки, онун архасында бир милләт дајаныр. О милләт ону горујаҹаг.

Нијә ҝәрәк нефт јатаглары үстүндә јатан халг аҹындан өлсүн? Нијә ҝәрәк гејрәти илә мәһшур олан халгын торпағы 24 ил ишғалда олсун?

Ахы нијә һәјалы аналары вә гејрәтли кишиләри илә дүнјада мәшһур олан бу торпаг саһибләри үздәнираг “ҝејпарад”ы кечиртсинләр?

Нијә сән мүсәлман халгывын гүввәти олан Мәсҹид вә Азан сәсиндән горхурсан?

Сәнә дејибләр ки, бу өлкәјә ҝәлән турист ҝәрәк бу халгын мүсәлман олдуғуну һисс етмәсин. Дејибләр ҹәһәннимә дејибләр! Һәлә чох шејләр јазмырам. Өзүн мәндән јахшы билирсән мүсәлман халгывын әлејһинә тәләб едилән гадағалар һансылардыр. Әслиндә бу гадағалар һеч бири сәнин хејривә дејил. Тутаг Исраилин арзусуну һәјата кечиртдин. Ҝүја Нардараны фәтһ етдин? Билирсән сән бу аддымла нә бөјүк сәһвә јол вердин? Ашура ҝүнү јүз минләрлә Нардарана јығышан халгын нифрәти вә гарғышыны газандын. Әввәл бахышла бу нифрин мәсәләси чох садә ҝөрсәнир. Амма бу нифрәт вә сону һәмишә нифринлә тамамланмыр. Ајаглар алтында әзилиб төвбә едән фиронлара артыг ҝеҹдир. Һејдәр Әлијевин дедији “дөзүмлү халг”ын гаршысында һеч бир топ вә түфәнҝ таб ҝәтирә билмәз.

Шәхсән Сән өзүн бу үмуми нифрәт вә гәзәбин аловунун сәбәбкарысан. Сән өзүн чох јахшы ҝөрдүн ки, һеч кими зинданла вә ишкәнҹәләрлә сындыра билмәдин. Сән Һаҹы Талеи узун мүддәт һәбс етмәклә јалныз горхаглығывы нишан ведин. Шәхсән мән Һаҹынын һәбсини Азәрбајҹан халгынын һәбси кими гәләмә верирәм. Бәли. Бүтүн Азәрбајҹан. Билирсән нијә? Чүн ки, сәнин зүлмүвә ҝөз јуман мәмурун да, чох јахшы билир ки, сән залимсән. Һамы чох јахшы билир ким һаггдыр ким батил. Артыг зүлмү ҝөрмәјә ҝөз лазым дејил. Дүздү јалтаглыг, горхаглыг вә ја һансыса бир дәлил бу вәзијәтә етираз етмәјин гаршысыны алыр.

Һәтта Сән вә сәнин өвладларында јахшы билир ки, Һаҹы Тале терорист дејил, вәтән хаини дејил. Бәли Һаҹы Тале залимләр үчүн тәһлүкәдир. Бунун чарә јолу Һаҹы Талеләри һәбс етмәк дејил. Чүн ки Мөвсүмләр, Абҝүлләр, Талеләр шәхс дејилләр бир тәффәкүрдирләр. Бир мәктәдирләр. Бир милләтдирләр! Бунун чарә јолуну өзүндә ахтар. Талеләри һәбс етмәк әвәзинә етдијин зүлмләрә сон гој. Мүстәгил фикирләш. Азәрбајҹанын һәгиги достларыны вә дүшмәнләрини таны. Бу халгын мәнәви дәјәрләриндән вә севдији Имам Һүсејн (әлејһи сәлам) бајрагларындан јалныз залымлар горхар. Сән буна әмин ол. Әҝәр халгын ағушуна гајытсан. Бу халг сәни гәбул едиб севәҹәк. Исламын тәфәккүрү будур: “Әдаләтли һаким севилмәли вә горунмалыдыр.”

Јәмән шиәләринә хүсусән Әнсаруллаһ Тәшкилатына зүлм едән вә һәтта Әнсаруллаһ Тәшкилатынынын башчысы олан Бәдруд-дин Һусини гәтлә јетирән президент Исраил вә вәһаби Әрәбистана јох дејиб милләтинин ағушуна пешманҹасына гајыдан вахт Јәмән мүгавимәти онун илләр боју зүлмүнә бахмајараг ону гәбул етди. Һалһазырда О Әнсаруллаһ Тәшкилати илә бирләшиб вәтәнини ишғал етмәк истијән Сәуди Әрәбистанла киши кими вурушур.

Илһам Әлијев. Милләтивин исти вә меһрибан ағушуна гајытмагда нәдән горхурсан? Кимләрдән чәкинирсән? Горхусан ки, Исраил вә һансы бир һеҝемон дөвләтин истәкләринә јох десән сәни бир ҝүндә ашырдарлар? Валлаһ һеч дә сән фикирләшән кими дејил!

Әзиз Рәһбәр Ајәтуллаһ Хаменеи сәнилә ҝөрүшдә бир меһрибан вә хејирхаһ Ата кими чох ҝөзәл вурғулады. О Аға сәнә деди: Азәрбајҹанда Ислам вә Шиәлик һөкүмәтин горумалы олдуғу бир дәјәрдир. Буну нә гәдәр чох етсәләр, һөкүмәт һеҝемон дөвләтләрә гаршы мүбаризәдә ҹәмијјәтдән даһа чох дәстәк алаҹаг. Ислам Маарифини јајмаг вә дин атрибутларына һөрмәт халгын һәдәләрә гаршы һимајәсинә сәбәб олаҹагдыр."

Сәнин јеҝанә чыхыш јолун будур! Өзүндә буну јахшы дәрк етмисән ки, Һүсејнчини зинданла вә өлүмлә горхутмаг олмаз. Халгывын ағушуна гајыт. Буна ҝөрәдә һеч бир һеҝемон дөвләтдән горхма. Сән халгыва ҝүвән вә буну баша дүш ки, бу халг севдији хадимини һеч бир кафтарын әлинә вермәз.

Буна 100% әмин ола биләрсән ки, әҝәр милләтин ағушуна гајытмасан ҝеҹ, тез бу мәст едиҹи гүдрәтин өмрү тамам олаҹаг вә сән зүлмләринлә бир јердә ән чиркин адларларла тарихин зибилијинә атылаҹагсан. Неҹә ки, Језидләр мәһв олуб ҝетдиләр вә Һүсејнчиләр һәмишә тарихдә ән ҝөзәл адларла јашајыб гәлбләрә һакимијјәт едирләр. Бу Аллаһын вердији вәддир. Јер үзү салеһ бәндәләрин әлинә дүшәҹәк. Батил ҝедиб, јерини һагг тутаҹаг.

Имам Мәһдинин (Аллаһ Таала Онун шәрәфли зүһуруну тезләшдирсин) ҝәлишинин јахынлығыны һисс едән гәлбләр һеч вахт тутдуғу мүбаризә вә мүгавимәт јолундан јорулмајаҹаглар. Бу јолда онлары вәтәндән говмагла, зиндана салмагла вә шәһид етмәклә дөндәрмәк олмаз.

Сонда демәк истәрдим ки, мәним бир Азәрбајҹанлы руһани олараг бу мүраҹиәти сизә јазмаг гәрарына ҝәлмәјимә сәбәб мәһз бу олду: “Әҝәр бу мүраҹиәтин сизә тәсири олмаса үмүд едирәм бу мүраҹиәт мәзлум милләтин јанғын гәлбинә зәррә дә, олса арамлыг верәр.”

Вәссәламу әла мәниттәбәәл һуда



Тоһид Ибраһимбајли

2017/1/18



Диггәт: Хәбәрдән истифадә етдикдә мәнбәјә истинад лазымдыр