Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, "Human Right Watch" (HRW) бејнәлхалг инсан һаглары тәшкилаты Бакы Ағыр Ҹинајәтләр Мәһкәмәсинин 25 јанвар гәрары илә бағлы бәјанат јајыб.
HRW һакимијјәтиндән танынмыш дин хадими вә апарыҹы сијаси мүхалифәт фәалы да дахил, 18 нәфәрин барәсиндә ҹинајәт ишләринә хитам верилмәсини вә онларын дәрһал азадлыға бурахылмасыны тәләб едир.
"Гәсәбәдә ајдын олмајан рејд мүбаһисәли сәбәбләрә ҝөрә зоракылыгла нәтиҹәләниб, ики полис нәфәри вә 7 мүлки шәхс атышмада һәлак олуб.
Һәмин шәхсләрин вәкилләри билдирибләр ки, онлар Дахили Ишләр Назирлијинин Мүтәшәккил Ҹинајәткарлыгла Мүбаризә идарәсиндә рәсмиләр тәрәфиндән дөјүлмүш, һәдәләнмим вә електрошока мәруз галмышлар. Онлары полис идарәсинә ҝәтирән кими башларына торба кечирмиш, голларыны бағламыш, онлары ҹинсијјәт органлары да дахил бәдәнләринин мүхтәлиф јерләрини вурмагла дәјәнәкләрлә дөјмүшләр. Бәзи мәһкумларын дедијинә ҝөрә, онлары арвадларынын вә баҹыларынын зорланаҹағы илә һәдәләјибләр.”,-дејә HRW -нин ачыгламасында гејд олунуб.
"Һакимијјәт ишҝәнҹә фактыны арашдырмајыб"
Ејни заманда HRW Талеһ Бағырзадә онлардан Азәрбајҹан Халг Ҹәбһәси Партијасынын лидеринә вә башга мүхалифәт лидерләринә гаршы ифадәләр алмаға ҹәһд ҝөстәрилдијини барәдә мәһкәмәдә дедикләрини хатырладыб:
“Чох ҝүман буну АХҸП-нин Нардаран һадисәләри илә әлагәләндирилмәси үчүн едирмишләр”.
Тәшкилат вәкилләрә истинад едәрәк билдириб ки, мәһбуслар тәҹридханада тибб мүајинәсиндән кечибләр вә һәким хәсарәтләрин дөјүлмә нәтиҹәсиндә јарандығыны сәнәдләшдириб. Амма һакимијјәт бу факты арашдырмајыб:
HRW Азәрбајҹанын БМТ-нин ишҝәнҹәләрә гаршы Конвенсијасы вә Авропа Инсан Һаглары Конвенсијасы да дахил бир чох мүгавиләләр имзаладығыны вә өһдәликләри хатырладараг бунлара әмәл етмәсини вурғулајыб.
"АХҸП сәдринин мүавини дәрһал азад олунсун"
Тәшкилат Фуад Гәһрәманлынын һөкумәти тәнгид етдијинә ҝөрә ҹәзаландырылдығы, бунунла онун ифадә азадлығынын ҝөстәрәрәк АХҸП сәдринин мүавининин дәрһал азад олунмасыны тәләб едиб.
“Һакимијјәт сон илләрдә АХҸП фәалларыны мүхтәлиф иттиһамларла һәбс вә мәһкум едиб. Тәкҹә 2016-ҹы илдә ән азы 20 АХҸП фәалы сахланыб”,-дејә HRW билдирир.
Сонда Талеһ Бағырзадәнин вә Фуад Гәһрәманлыынын әввәлләр дә гондарма иттиһамларла мәһкум едилдији хатырланыр.
Диггәт: Хәбәрдән истифадә етдикдә мәнбәјә истинад лазымдыр
