Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Јанварын 20-дә Вәкил Елчин Садыгов 30 сутка һәбс едилән НИДА-чы Рәһим Вәлијевлә ҝөрүшүб.
Елчин Садыгов билдириб ки, мүвәккили 18-ҹи Полис Бөлмәсиндә вә Нәриманов Рајон Полис Идарәсиндә мәруз галдығы ағыр ишҝәнҹәләр, гејри-инсани вә инсан ләјагәтини алчалдан рәфтара мәруз галмасы барәдә ифадә вериб. Вәкил бунунла бағлы Баш Прокурорлуға шикајәт верәҹәкләрини дејиб.
О, Рәһим Вәлијевин вердији ифадәни ачыглајараг дејиб:
"Јанварын 16-сы саат 11 радәләриндә Әһмәд Ағаоғлу илә Әлиәшрәф Әлизадә күчәсинин кәсишмәсиндә 18-ҹи полис бөлмәсинин әмәкдашлары Рәшад Гасымов, Рәшад Исмајылов, Васиф Оруҹов вә Намиг адлы мүлки ҝејимдә олан полисләр мәни ағ рәнҝли 90-ДН-102 нөмрә нишанлы автомобилә басыб 18-ҹи полис бөлмәсинә апардылар. Орада мәндән "Фаҹебоок" статусларымы, пајлашымларымы силмәми, һесабымы бағламамы тәләб етдиләр. Имтина етдим. Мәни рәисин отағына апардылар. Рәис мәни тәһдид етмәјә башлады ки, "силмәсән ананы ишдән чыхараҹағыг вә евинизә ҝедиб аилә үзвләринин алт палтарынын ичиндә ахтарыш апараҹағыг". Мәни бурахмаларыны тәләб етдим. Ҝедәндән сонра силәҹәјими сөјләдим. Шәртлә данышмамдан һиддәтләнән рәис мәни сөјмәјә башлады".
Рәһим Вәлијев ифадәсиндә "Фаҹебоок" статусуну силмәјәҹәјини, профилини дондурмајаҹағыны дејәндән сонра рәисин ону вурмаға башладығыны гејд едиб:
"Мәни тутан полис Рәшад Гасымовла мәни бәрк дөјмәјә башладылар. Әсасән башыма, сифәтимин сол һиссәсинә, белимин бүкәҹәјинә јумруг, шапалаг, тәпиклә вурмаға башладылар. Мәни дөјүб јорулдугдан сонра сөјә-сөјә дедиләр ки, "буну апарын о бири отаға". Мәни башга, һәјәтдән ҝирәндә сағдакы отаға апардылар. Ораја башга полис әмәкдашы ҝәлди. Мәни таныдығыны деди. "Статусуну бурадаҹа силсән јахшыдыр", - деди. Силмәјәҹәјими дедим. Сонра мәни Рәшад Гасымовун отағына, орадан да Нәриманов Рајон Полис Идарәсинин инзибати бинасына апардылар".
Рәһим Вәлијев Нәриманов Рајон Полис Идарәсинин рәисинин отағында һәдәләндијини вәкилинә сөјләјиб:
"Отагда Полис идарәсинин рәиси, 18-ҹи Полис Бөлмәсинин рәиси вә бир нәфәр полис ишчиси галды. НПИ-нин рәиси мәни һәдәләди ки, ""Фаҹебоок" һесабыны сил, јохса сәнин үчүн пис олаҹаг". Бундан сонра 18-ҹи ПБ-нин рәиси илә диҝәр полис ишчиси мәни башга отаға апардылар. Сонрадан онун рәис мүавини олдуғуну билдим. Рәис мүавини вә 18-ҹи ПБ-нин рәиси мәни јенидән дөјмәјә башладылар. О гәдәр дөјдүләр ки, мүвазинәтими итириб јыхылдым. Ејнәјимин сол тәрәф гулаға дајанан һиссәси јерә дәјиб гырылды. Сонра бәзи сәнәдләри имзалатдылар. Әввәл јаздылар ки, ҝуја мән полис Рәшад Исмајылова кәллә вурмушам. Мәни нә гәдәр дөјсәләр дә буна имза атмадым. Даһа сонра јаздылар ки, ҝуја полисин гануни әмринә табе олмамышам. Мәни јенә дөјүб етирафедиҹи сәнәдә имза атдырдылар".
Рәһим Вәлијев билдирир ки, сәнәдләрә имза атандан сонра ону мәһкәмә гаршысына чыхарыблар. Мәһкәмәдә вәкилинин ҝәлмәсини, аиләсинә хәбәр верилмәсини тәләб етсә дә, әһәмијјәт вермәјибләр:
"Мәһкәмәдә полисләрин мәни дөјдүкләрини, ағыр ишҝәнҹәләр вердикләрини дедим. Тәләб етдим ки, мәни тибби експертизадан кечирсинләр. Лакин һаким Вүсал Гурбанов сифәтимдә вә бәдәнимдә олан ишҝәнҹә изләринә бахмајараг тәләбимә әһәмијјәт вермәди. Мәнә 30 сутка инзибати һәбс ҹәзасы верди. Гәрар елан едилдикдән сонра мәни јенидән 18-ҹи ПБ-ә ҝәтирдиләр, јенидән дөјдүләр. Мәнә бөлмәнин ајагјолун тәмизләтдирдиләр. Онлар мәни мөһкәм дөјүр, сөјүр, телефона чәкәрәк әлә салыб ҝүлүрдүләр. Хејли дөјәндән сонра мәни башга отаға апарыб дедиләр ки, "өзүнә ҝәл". Тәхминән 1 саат динҹәлдикдән сонра мәни ахшам саат 19:30 радәләриндә инзибати сахлама мәнтәгәсинә ҝәтирдиләр. Мәнә ағыллы олмамы сөјләдиләр. Бурада исә дәфәләрлә сорғу-суала мәруз галмышам. Суаллар әсасән Меһман Һүсејнов вә Санҹагла бағлы олуб".
Рәһим Вәлијев јанварын 16-да полисин гануни әмринә табе олмама ады илә һәбс едилиб. Она Инзибати Хәталар Мәҹәлләсинин 535.1-ҹи маддәсилә 30 суткалыг инзибати һәбс ҹәзасы верилиб.
Диггәт: Хәбәрдән истифадә етдикдә мәнбәјә истинад лазымдыр
