Әһлибејт (ә) Хәбәр Аҝентлијинин вердији мәлумата ҝөрә-Мүсәлман Бирлији Һәрәкатынын сәдри, һәбсдә олан илаһијјатчы Талеһ Бағырзадә, АХҸП сәдринин мүавини Фуад Гәһрәманлы вә даһа 16 нәфәрин мүһакимә олундуғуну Нардаран иши үзрә мәһкәмә просеси јекунлашыр. Бакы Ағыр Ҹинајәтләр Мәһкәмәсиндә бу ишә бахан Әлөвсәт Аббасовун сәдрлик етдији һакимләр һејәти бу ҝүн Нардаран иши үзрә мәһкәмә истинтагынын јекунлашмасы барәдә гәрар гәбул едиб. Декабрын 26-да прокурорлар Нәсир Бајрамов вә Елҝүн Гафаров чыхыш едиб тәгсирләндирилән шәхсләрә ҹәза истәјәҹәк.
Талеһ Бағырзадә вә диҝәр тәгсирләндирилән шәхсләр бу ҝүн дә өз мәһкәмәләринә бурахылмајыб. Вәкил Јалчын Иманов мәһкәмәдә бу һагда вәсатәт галдырса да, тәмин олунмајыб.
Мүдафиәчи ејни заманда, тәгсирләндирилән шәхсләрә мәһкәмәдә иштирака иҹазә верилмәдији һалда, һәр дәфә мәһкәмә кечирилән ҝүн Күрдәханы тәҹридханасындан Бакы Ағыр Ҹинајәтләр Мәһкәмәсинә ҝәтирилиб, ахшам саат 18.00 радәләринә гәдәр орада јарымгаранлыг, сојуг вә рүтубәтли зирзәмидә сахланылмасына етираз едиб. Буну онлара ишҝәнҹә верилмәси кими гијмәтләндириб.
“Ән азы, Аллаһ тәрәфиндән лајиг олдуғунуз ҹәзаны алаҹагсыз”
Елә тәгсирләндирилән шәхсләр дә бу фикирдәди. Бу һагда һаким Әлөвсәт Аббасова мәктубларында да јазыблар. Ејни заманда, гејд едибләр ки, һеч бир ишҝәнҹә онлары сындыра билмәз: “Бизим мәһкәмәдән кәнарлашдырылараг, сојуг, јарыгаранлыг зирзәмидә сахланылмағымыз сизин тәрәфиниздән һәјата кечирилән ишҝәнҹәди. Бунунла да сиз БМҸМИ-дә бизә верилмиш ишҝәнҹәләри давам етдирирсиз. Дәфәләрлә бизим сојуг зирзәмидә саатларла сахланылмағымыз нәтиҹәсиндә он нәфәр ағыр шәкилдә хәстәләниб. Бу вәзијјәтин давам етдирилмәси о демәкдир ки, сиз мәнәви бахымдан Мүтәшәккил Ҹинајәткарлыгла Мүбаризә Идарәсиндә ишҝәнҹә верәнләрдән фәргләнмирсиз. Бу әмәлинизлә Азәрбајҹан тарихинә тәкҹә сифаришли, сијаси һөкм верән һаким кими дејил, һәм дә ишҝәнҹә верән садист кими дүшәҹәксиз. Бунунла сиз елә бир ҝүнаһа батырсыныз ки, ән азы, Аллаһ тәрәфиндән һагг етдијиниз ҹәзаны алаҹагсыз. Унутмајын, бизи һеч бир әзабла сындырмаг мүмкүн дејил. Она ҝөрә дә һагг уғрунда мүбаризә апаран ҝүнаһсыз диндарлара гаршы Језид кими давранан һәр кәс Аллаһын гәзәбинә сәбәб олан әмәл саһиби кими ҹәһәннәм одуна өзүнү даһа да јахынлашдырмыш олур”.
Тәгсирләндирилән шәхсләрин мәктубу һакимә тәгдим олунуб.
Мәшәди Натиг Кәримов Талеһ Бағырзадәнин әлејһинә ифадә вериб
Мәһкәмәдә вәкилләр әлавә шаһидләрин диндирилмәси, Нардаран әмәлијјатында дүнјасыны дәјишән полисләрин јахынларынын мәһкәмәдә диндирилмәси, мејитләринин ексгумасијасы, тәгсирләндирилән шәхсләрин үзәриндән тапылдығы иддиа олунан силаһ-сурсатын мәһкәмәјә ҝәтирилиб бахыш кечирилмәси һагда вәсатәт галдырыб.
Һаким мәлумат вериб ки, дүнјасыны дәјишән полисләрин һүгуги вариси кими танынан јахынлары мәһкәмәјә телеграм ҝөндәрибләр. Билдирибләр ки, истинтагдакы ифадәләрини тәсдигләјирләр, тәгсирләндирилән шәхсләрә ағыр ҹәза верилмәсини истәјирләр.
Вәкилләр буна етираз едибләр.
“Ганун, Авропа Конвенсијасы тәгсирләндирилән шәхсә онун әлејһинә ифадә вермиш адамлары мәһкәмәдә диндирмәк һүгугу верир. Зәрәрчәкмишләр ҝәлсинләр, ҝөрәк, бунлар һардан билир ки, о полисләри тәгсирләндирилән шәхсләр вуруб? Јахуд Нардаран ағсаггалы Мәшәди Натиг Кәримов. О да истинтагда диндирилиб, амма мәһкәмәјә ҝөндәрилән шаһид сијаһысына ады салынмајыб. Хаһиш едирик, бу адамлар чағрылыб диндирилсин”.
Гејд едәк ки, Мәшәди Натиг Кәримов Нардаран һадисәләриндән бир мүддәт сонра һәбс едилиб, она Ҹинајәт Мәҹәлләсинин 274-ҹү (дөвләтә хәјанәт) маддәсилә иттиһам ирәли сүрүлүб. Амма сонрадан азадлыға бурахылыб.
“Силаһлары ҝәтирин, ҝөрәк дар ҹинс шалварын ҹибинә јерләшәр?”
“Мадди сүбутлар, силаһлар мәһкәмәјә ҝәтирилсин, бахаг, ән азы, биләк ки, о силаһлар дар ҹинс шалварын ҹибинә јерләшә биләрди, јохса јох” – буну исә вәкил Ҝүлшән Салманова дејиб.
Вәкилләрин чохсајлы вәсатәтләринин һеч бири тәмин олунмајыб.
“Мәһкәмә нәји арашдырды ки, мәһкәмә истинтагы да тамамлансын”
Даһа сонра вәкилләр јени вәсәтәтләрини јазылы шәкилдә һазырламаг үчүн мәһкәмәдән вахт истәјибләр. Прокурор мәһкәмә истинтагынын тамамланмасыны тәклиф едиб.
Вәкилләр мәһкәмә истинтагынын тамамланмасына етираз едиб.
“Мәһкәмә нәји арашдырды ки, мәһкәмә истинтагы да битсин? Вәсатәтләримизин һеч бири тәмин олунмады”, – Јалчын Иманов дејиб.
Мүдафиәчи Немәт Кәримли исә буну мәһкәмәнин сәбәбсиз тәләскәнлији кими гијмәтләндириб. Гејд едиб ки, бу мәһкәмәдә сәнәдләрин тәдгиги мәрһәләси фактики һәјата кечирилмәди.
Мүдафиәчиләр дејибләр ки, бу мәсәлә илә әлагәдар мүтләг тәгсирләндирилән шәхсләрин дә фикирләри өјрәнилмәлиди. Һаким вәкилләрин онларын фикрини өјрәнмәси үчүн он дәгигәлик фасилә елан едиб.
Фасиләдән сонра һакимләр тәгсирләндирилән шәхсләрин мәһкәмәдә иштиракынын тәмин олунмасына гәрар вериб. Амма тәгсирләндирилән шәхсләрдән Аббас Һүсејнов вә Закир Мустафајев бу шәкилдә мәһкәмәнин кечирилмәсинә етираз олараг, јенә дә иштиракдан имтина едибләр.
Талеһ Бағырзадә вә диҝәр тәгсирләндирилән шәхсләр мәһкәмә истинтагынын тамамланмасына етираз едибләр.
“О китабчаны Усубовун рәһбәрлик етдији груп һазырлајыб”
Талеһ Бағырзадә:
“Иш материалларында “Талеһ Бағырзадәнин мүраҹиәти” адлы китабча вар, ҝуја адамларын ҹибиндән чыхыб. Мән бирмәналы шәкилдә дејирәм, о китабча Нардаран һадисәсиндән сонра һазырланыб. О китабчаны арашдырмамаг Рамил Усубова хидмәт, Илһам Әлијеви исә тәһгир еләмәкди. Чүнки о китабчада Илһам Әлијев һаггында ағыр сөзләр вар. Мән бирбаша сөзүмү дејән адамам. О китабчанын да, орада адымдан јазыланларын да мәнә һеч бир аидијјәти јохдур. Нардаран әмәлијјатыны кечирән “бандотдел” Рамил Усубовун табелијиндәди. О китабчаны да онун рәһбәрлик еләдији груп һазырлајыб, Илһам Әлијев һагда о сөзләри дә онлар јазыб. Бу китабча илә бағлы мәним онсуз да Илһам Әлијевә мүраҹиәтим олаҹаг. Амма бир даһа дејирәм, мәһкәмәни бу китабчаны арашдырмадан битирмәк Рамил Усубова хидмәт, Илһам Әлијеви исә тәһгир етмәк кими гијмәтләндириләҹәк”.
“Бу, Азәрбајҹанын мәһкәмә тарихиндә ән биабырчы мәһкәмәдир”
Фуад Гәһрәманлы исә дејир ки, она “фаҹебоок” сосиал шәбәкәсиндә пајлашдығы статуслара ҝөрә дини, милли ајры-сечкилик салма, дөвләт чеврилишинә чағырыш иттиһамлары верилиб. Амма мәһкәмәдә нә о статусларын бири елан олунуб, нә рәј вермиш експертләр диндирилиб: “Јазыларыма бахмадан сиз мәним һаггымда неҹә һөкм чыхараҹагсыныз? Һеч олмаса, формал проседурлара әмәл един. Бу, Азәрбајҹанын мәһкәмә тарихиндә ән биабырчы мәһкәмәдир”.
Тәгсирләндирилән Шамил Абдуләлијев билдириб ки, онсуз да “јухарыдан” һансы ҝөстәриш ҝәлсә, һаким дә о һөкмү охујаҹаг. Бу бахымдан, һакимләрдән әдаләтли һөкм ҝөзләнтиләри јохдур. Садәҹә, ҝүнаһсызлыгларыны сүбута јетирмәјә, ҹәмијјәтә һәгигәти чатдырмаға имкан верилсин, јетәр.
Вәкил Јалчын Иманов билдириб ки, тәгсирләндирилән шәхсләрин иштирак етмәдији мәһкәмә иҹласларында онларла вәсатәтләр галдырыблар. Мүдафиәчи онлар һагда бир-бир тәгсирләндирилән шәхсләрә мәлумат верилмәси вә онларын фикринин өјрәнилмәсилә бағлы вәсатәт галдырыб. Амма мәһкәмә бу вәсатәти дә тәмин етмәјиб.
Бундан сонра һакимләр мәһкәмә истинтагынын тамамланмасы һагда гәрары ачыглајыб.
Мәһкәмә декабрын 26-да прокурорун чыхышы илә давам едәҹәк.
Диггәт! Хәбәрдән истифадә етдикдә мәнбәјә истинад лазымдыр!
