Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Тбилисидә Бүтүн Ҝүрҹүстан Мүсәлманлары Идарәсинин (БҜМИ) иллик һесабаты вә мөвлуд бајрамы илә бағлы тәдбир кечирилиб.
Бу барәдә СаламНеwс-а мәлумат верән БҜМИ-нин шејхи Һаҹы Рамин Иҝидов дејиб ки, тәдбирдә дин хадимләри, дөвләт рәсмиләри, сәфирлик нүмајәндәләри, елм вә иҹтимаијјәт хадимләри иштирак едиб.
Ики һиссәдән ибарәт олан тәдбирин биринҹи һиссәсиндә Гәрби Ҝүрҹүстанын мүфтиси Һаҹы Беглар Камашидзе, Ҝүрҹүстан мүсәлманлары Идарәсинин шејхи Һаҹы Рамин Иҝидов, Дини Мәсәләләр үзрә Дөвләт Аҝентлијинин сәдри Заза Вашакмадзе, Түркијә Дәјанәт Идарәсинин Ҝүрҹүстандакы нүмајәндәси Нәби Ҝүмүш вә диҝәр гонаглар чыхыш едәрәк өнҹә Һәзрәт Мәһәммәд пејғәмбәрин (с) мүбарәк мөвлуду мүнасибәти илә иштиракчылары тәбрик едибләр.
Сонра исә Ҝүрҹүстанда Ислам дининин инкишафы, проблемләр вә еһтијаҹлар һаггында фикирләрини бөлүшүбләр. Дин рәһбәрләри өлкәнин һәм шәрг вә һәм дә гәрбиндә Идарәнин ҝөрдүјү ишләри прожекторла сәрҝиләјәрәк нүмајиш едибләр. Сонда исә мүфти мүавини Адәм Шантадзе Идарәнин ҝәләҹәк програмларыны вә стратеҝијасыны мүсәлманларын нәзәринә чатдырыб.
Тәдбирин икинҹи һиссәсиндә исә гонаглар мөвлуд сүфрәси әтрафында бир араја ҝәләрәк тәәссүратларыны бөлүшүбләр. Иштиракчылара Идарәнин иллик һесабат журналы вә дини китаблар һәдијјә олунуб.
Диггәт: Хәбәрдән истифадә етдикдә мәнбәјә истинад лазымдыр
