Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ишғалчы режимин ушаг гатили олан Бенјамин Нетанјаһо адлы баш назиринин Бакыја рәсми сәфәри һәм Азәрбајҹан дахилиндә һәм дә, бөлҝәдә хүсусилә дә, ишғалчы исраил режимин әсас дүшмәни олан Иран Ислам Республикасында бөјүк наразылыглара сәбәб олуб. Бу мүнасибәтлә ишғалчы режимин рәсми нүмајәндәсинин Бакыја сәфәр етмәси һагда Азәрбајҹанын сијаси иҹмалчысы Зәрдүшт Әлизадә ачыглама вериб.
Сијаси иҹмалчы Зәрдүшт Әлизадә хатырладыб ки, Иран шаһ дөврүндә Исраилин ән јахын мүттәфиги иди, о заман Теһран вә Анкара истисна олмагла бүтүн әрәб вә мүсәлман дөвләтләри Тәл-Әвиви танымырды:
"Исраил әрәбләри әзәндә Иран вә Түркијә бу дөвләтин тәрәфиндә олурду. Бүтүн мүсәлман дүнјасы исә онлары ләнәтләјирди. Иран Ислам ингилабындан сонра исә вәзијјәт дәјишди. Јени ислам һакимијјәти бүтүн мүсәлман дүнјасыјла һәмрәј олдуғуну вә Фәләстинин ишғалыны, Исраилин дөвләт кими танымадығыны бәјан етди. Һәтта ислам радикаллары Кемп-Девид сазишини имзалајан Мисир президенти Әнвәр Садаты өлдүрәндән сонра террору ҝерчәкләшдирән һәрбчинин адыны Теһранын әсас хијабанларындан биринә гојдулар. Амма Кем-Девиддән сонра әрәб өлкәләри тәдриҹән Исраили танымаға башладылар. Инди дә Сәудијјә Әрәбистаны Исраиллә малијјә, кәшфијјат саһәсиндә Тәл-Әвивлә әмәкдашлыг едир. Бүтөвлүкдә Ислам Өлкәләри Конфрансы Исраили дөвләт кими танымырлар".
З.Әлизадә Азәрбајҹанын Фәләстини дөвләт кими таныдығыны вә Бакыда бу өлкәнин сәфирлијинин олдуғуну сөјләди:
"Чүнки Фәләстин БМТ-нин гәрарыјла јараныб. Анҹаг бунунла јанашы Азәрбајҹан јәһуди халгынын өз дөвләтиндә јашамаг һүгугуну да таныјыр.”
Сијаси иҹмалчы даһа сонра Иран Ислам Республикасынын Азәрбајҹан өлкәси вә халгына етдији әбәссиз јахшылыгларына вә ҝөстәрдији бејнәлхалг хидмәтләринә ишарә едәрәк дејиб: “90-ҹы илләрин сонунда Ислам Өлкәләри Конфрансында Ермәнистанын тәҹавүзкар дөвләт кими танынмасы тәклифини мәһз Теһран ирәли сүрмүшдү, тәклиф дә дәстәкләнди. Һәтта мүһарибә заманы Иран Азәрбајҹана көнүллүләр дә ҝөндәрмишди, садәҹә, Азәрбајҹан һөкумәтинин башында нашы адамлар буна имкан вермәди, исраил вә Түркијә илә мејдан ачдыгларына ҝөрә, Теһран да ҝетди Ирәванла әлагәләри ҝүҹләндирди".
Диггәт: Хәбәрдән истифадә етдикдә мәнбәјә истинад лазымдыр
