Әһлибејт (ә) Хәбәр Аҝентлијинин вердији мәлумата ҝөрә- Нојабрын 28-дә Бакы Ағыр Ҹинајәтләр Мәһкәмәсиндә "Мүсәлман Бирлији" Һәрәкатынын сәдри Талеһ Бағырзадә, АХҸП сәдринин мүавини Фуад Гәһрәманлы вә диҝәрләринин нөвбәти мәһкәмә иҹласы кечирилиб.
Мүстәнтиг деди, имзаламасам башым ағрыјар
Һаким Әлөвсәт Аббасовун сәдрлик етдији иҹлас башламаздан әввәл Аббас Һүсејнов чыхыш едәрәк Талеһ Бағырзадәнин вәзијјәтиндән данышыб.
Сонра иҹлас башлајыб вә Нардаран сакини олан 17 јашлы Јусиф Фәрәҹов ифадә вериб. Шаһид гисминдә диндирилән Ј. Фәрәҹов истинтаг заманы ифадәни тәзјиг алтында имзаладығыны дејиб: "Мән охумаг истәдим. Мүстәнтиг әлини галдырыб деди ки, дејәсән дөјүлмәк истәјирсән. Деди, имзаламасам башым ағырыјар. Лакин мәни вурмады".
Ј. Фәрәҹов билдириб ки, нојабрын 23-дә мәһкәмәјә ҝәлмәк истәјиб, лакин 42-ҹи Полис Бөлмәсинин әмәкдашлары ону тутараг бөлмәнин рәиси Тәрхан адлы шәхсин јанына апарыблар: "Тәрхан деди ки, сән почт васитәси илә мәһкәмәјә мәктуб ҝөндәр, билдир ки, ифадәни тәсдиг едирсән. Мән дә дедим ки, ҝедиб ифадә верәҹәм. Она ҝөрә һәмин ҝүн мәни бурахмадылар. Мәним шәхсијјәт вәсигәми орада алдылар. Бир ҝүн бөлмәдә сахладыгдан сонра бурахдылар. Ҝуја мәни оғурлугда шүбһәли билибләр. Дедиләр ки, Лаһыҹ бағларында оғурлуг олуб, сәндән шүбһәлиб сахланылдығымызы дејәрсән. Мән дә бу ҝүн сәһәр саат 7-дә евдән чыхыб ҝәлдим бураја ки, мәни ҝөрән олмасын".
Нә вахта кими бу һагсызлыға ҝөз јумаҹагсыныз?
Иҹласда онун Баш Мүтәшәккил Ҹинајәткарлыгла Мүбаризә Идарәсиндә мүстәнтиг Исмајыл Әлијев тәрәфиндән диндирилдији, диндирилән заман 17 јашынын тамам олмадығы, диндирмәдә нүмајәндәнин иштирак етмәдији мәлум олуб.
Аббас Һүсејнов исә һакимә "Нә вахта кими бу һагсызлыға ҝөз јумаҹагсыныз" суалыны вериб.
Һаким Әлөвсәт Аббасов билдириб ки, шаһидин иҹласа ҝәлмәсинә мане олан полис әмәкдашлары барәдә тәдбир ҝөрүлмәси вә фактын арашдырлмасы үчүн Бакы шәһәр Прокурорлуғуна мүраҹиәт едиләҹәк.
Т. Бағырзадә исә дејиб ки, шаһид адындан јалан ифадә јазанларын рәһбәрләри сахтадырлар: "Тәрхан 2013-ҹү илдә мәни һәбс едәндә ҹибимә наркотик атмышды. Сонра иҹласа әли сыныг вәзијјәтдә ҝәлди. Јенә дә она дәрс олмајыб".
Фуад Гәһрәманлы исә билдириб ки, иҹлас шаһидләрә ҝөрә јубадылыр: "Бу ҝүн шаһид ҝәлди данышды вә мәлум олду ки, онлара полис бөлмәсиндә тәзјиг едилир вә мәһкәмә дә мәһз буна ҝөрә биләрәкдән јубадылыр. Тәләб едирик бүтүн шаһидләр мәһкәмәдә диндирилсин. Шаһидләрин почтла мәһкәмәјә ҝөндәрдикләри мәктублар гәбул едилмәсин".
"Рүшвәт ҝөтүрүрсүз, конфет јох?"
Иҹласда Талеһ Бағырзадә исә һакимә конфет вермәк истәјиб. Буисәһакиминнаразылығынасәбәболуб. Фуад Гәһрәманлы исә билдириб ки, һакимин агрессив мүнасибәти психоложи басгыдыр: "Лакин билмәлисиниз ки, бурада белә шеј кечмир. Нәзәрә алмалысыныз ки, агрессив давранмаг мәнасыздыр. Белә шејә еһтијаҹ јохдур".
Һаким исә билдириб ки, мәһкәмә гајдаларын позулмасына ҝөрә ирадыны билдириб.
ТалеһБағырзадәисә "конфервердимдә. Рүшвәти ҝөтүрүрсүнүз, конфети јох" - дејиб. Һаким исә она "Сиз фәрз едирсиниз. Һеч нәји билмирсиниз" ҹавабыны вериб.
Шаһидин статусуна хитам верилсин
Даһа сонра иҹласда Нардаран сакини олан Аллаһверди Һадыјев ифадә вериб. О, јазыб-охумаг билмәдијини, истинтаг заманы ифадәни имзаламадығыны дејиб. Иҹласда мәлум олуб ки, А. Һадыјев дә бир нечә ҝүн әввәл 42-ҹи Полис Бөлмәсинин әмәкдашлары тәрәфиндән оғурлугда шүбһәли билинәрәк сахланылыб: "Дедиләр, бағда оғурлуг олуб. Сонра оғрулары тапдылар, мәни дә бурахдылар".
Вәкил Немәт Кәримли онун шаһидлик статусуна хитам верилмәсини истәјиб. Һаким ганунвериҹликдә бунун нәзәрдә тутулмадығыны билдириб.
Вәкил Јалчын Иманов исә шаһид Јусиф Фәрәҹову диндирән мүстәнтиг Исмајыл Әлијев, Аллаһверди Һадыјеви диндирән мүстәнтиг Фикрәт Гулијев вә 42-ҹи Полис Бөлмәсинин рәиси Тәрхан адлы шәхсләрин иҹласа чағрылмалары барәдә вәсатәт вериб. Лакин вәсатәт тәмин едилмәјиб. Вәкил Јалчын Иманов өтән иҹлас заманы ифадә верән полис әмәкдашы Емин Бабајевлә бағлы да вәсатәт вериб. Билдириб ки, о, иҹласда јалан ифадә вериб вә бунунла бағлы сүбутлар вар. Вәкил онун барәсиндә ҹинајәт иши башланылмасы үчүн прокурорлуға мүраҹиәт едилмәсини истәјиб. Һаким дејиб ки, буна сонра гијмәт вериләҹәк.
Рамил Усубов мәһкәмәдә ифадә версин
Талеһ Бағырзадә исә Рамил Усубовун мәһкәмәдә ифадә вермәсини истәјиб: "Рамил Усубов чыхышы заманы Нардаранда беш нәфәри мәһв етдикләрини дејиб. Онлардан дөрд нәфәрин гәбри Нардарандадыр. Бир нәфәр кимдир, ону билмирик. Рамил Усубов ҝәлиб буна ајдынлыг ҝәтирсин. Бу, бизим үчүн чох ваҹибдир. Бәлкә өлдүрүлән полиси нәзәрдә тутур?"
Һаким билдириб ки, онларда бу барәдә мәлумат јохдур: "Сиз о, чыхышы бизә тәгдим едәрсиниз, мүзакирә едәрик".
Шамил Абдуләлијев исә дејиб ки, иҹласа ҝәлән шәхсләрин шәхсијјәт вәсигәләри мәһкәмәдә ҝиров ҝөтүрүлүр: "Сиз дединиз тәдбир ҝөрәҹәксиниз. Лакин нәсә етмәдиниз. Бура ҝәлиб залда отуран шәхсләрдән Фаиг Шаһбазова 30 сутка һәбс ҹәзасы верилиб, бундан башга да ҹәзаландырыланлар олуб".
Һаким залда отуранларын шәхсијјәт вәсигәләринин јохланылдығыны дејиб.
Ф. Гәһрәманлы исә билдириб ки, јохламаға етираз етмирләр: "Онларын шәхсијјәт вәсигәләри иҹрачыларда сахланылыр вә сиз дә буну һимајә едирсиниз, гануна ујғун дон ҝејиндирмәјә чалышырсыныз. Сиз гануну тәһриф едирсиниз. Хаһиш едирәм, бу, мәтбуат тәрәфиндән ишыгландырылсын. Бундан сонра да сизә сифаришли ишләр вериләҹәк. Һеч олмаса елә един ки, формаллығы сахлаја биләсиниз". Һаким она хәбәрдарлыг едиб. Билдириб ки, һакимә һөрмәтсизлик едир.
Просес нојабрын 30-да давам едәҹәк.
Диггәт! Хәбәрдән истифадә етдикдә мәнбәјә истинад лазымдыр!
