Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Республикасы Милли Мәҹлисин Һүгуг сијасәти вә дөвләт гуруҹулуғу комитәсинин үзвү Чинҝиз Гәнизадә фикир вә ифадә азадлығынын рәсми сүрәтдә мәһдудлашдырылмасыны, әкс тәгдирдә шәхсләрин ағыр ҹәзаларла ҹәзаландырылаҹағыны вурғулајараг билдириб: "Азәрбајҹанда интернет информасија мәканында дөвләт башчысынын - Президентин шәрәф вә ләјагәтини ләкәләмә вә ја алчалтма ҹәһди ҹинајәт мәсулијјәти јарадаҹаг".
Депутат билдириб ки, артыг баш прокурор Закир Гараловун имзасы илә Ҹинајәт Мәҹәлләсинә дәјишиклик едилмәси үчүн ганун лајиһәси Милли Мәҹлисә дахил олуб.
Баш прокурор Закир Гаралов бунунла бағлы Ҹинајәт Мәҹәлләсинин 323.1-ҹи (Азәрбајҹан дөвләтинин башчысынын-Азәрбајҹан Республикасы Президентинин шәрәф вә ләјагәтини күтләви чыхышда, күтләви нүмајиш етдирилән әсәрдә вә ја күтләви информасија васитәсиндә ләкәләмә вә ја алчалтма) маддәсинә әлавәләрин едилмәси илә бағлы Милли Мәҹлисә тәклиф ҝөндәриб.
Лајиһәјә әсасән, бу маддәдә “вә ја күтләви информасија васитәсиндә” сөзләри “күтләви информасија васитәсиндә вә ја күтләви нүмајиш етдирилдији һалда интернет информасија еһтијатында” сөзләри илә әвәз едилир.
Буна ҝөрә гүввәдә олан санксија 500 манатдан 1000 манатадәк мигдарда ҹәримә вә ја 2 иләдәк мүддәтә ислаһ ишләри вә ја ејни мүддәтә азадлыгдан мәһрум етмәдир.
Гануна 323.1-1 маддәсининәлавәолунмасыдатәклифедилир. Маддәдә дејилир: “323.1-ҹи маддәдә нәзәрдә тутулмуш әмәлләр интернет информасија еһтијатында сахта истифадәчи адлар, профил вә ја һесаблардан истифадә едәрәк күтләви нүмајиш етдирмәклә төрәдилдикдә, 1000 манатдан 1500 маната гәдәр ҹәримә вә ја 3 иләдәк азадлыгдан мәһрум етмә илә ҹәзаландырылыр”.
Диггәт: Хәбәрдән истифадә етдикдә мәнбәјә истинад лазымдыр
