Әһлибејт(ә) Хәбәр Аҝентлији
Мејдан ТВ-нин мәлуматына ҝөрә, һаким Әлөвсәт Аббасовун сәдрлији илә кечирилән просесдә "Мүсәлман Бирлији " Һәрәкатынын һәбсдә олан сәдри Талеһ Бағырзадә, АХҸП сәдринин мүавини Фуад Гәһрәманлы вә өтән ил нојабрын 26-да Нардаранда баш вермиш һадисәләрдә тәгсирләндирилән шәхсләр мүһакимә олунурлар.
Бизә верилән ишҝәнҹәләрин бир фаизи Заһид Оруҹа верилсәјди...
Иҹласда чыхыш едән Аббас Һүсејнов дејиб ки, мәһкәмә әдаләтсиз шәкилдә кечирилир: "Бизә истинтаг заманы шәрәф вә ләјагәти алчалдан ишҝәнҹәләр верилиб. Депутат Заһид Оруҹ кимиләр исә бунунла бағлы өзләринә сәрф едән шәкилдә данышырлар. Бизә верилән ишҝәнҹәләрин бир фаизи Заһид Оруҹа верилсәјди, Илһам Әлијевин үзүнә дурарды. Онун кимлији һәр кәсә мәлумдур. Рамил Усуобов бизим достларымыза әзијјәт едиб ифадә алмаг әвәзинә Заһид Оруҹ кимиләрдән истифадә едә биләрди. О, ҝәлиб раһат үзә дура биләр. Бизә ишҝәнҹә верәнләрин кимлији мәлумдур. Тәгсирләндирилән шәхсләрин аилә үзвләри тәһдид олунуб, шаһидләрә тәзјиг ҝөстәрилиб. Хаһиш едирәм, һәмин шәхсләрин барәләриндә тәдбир ҝөрүлсүн".
Вәкил Јалчын Иманов исә дејиб ки, Кәрим Әлимәрданов дәһшәтли бир әмәлијјат кечириб: "Бу адам өзүнү нә һесаб едир? Доғурданмы онун барәсиндә тәдбир ҝөрмәк бу гәдәр чәтиндир? Шаһидләрә тәзјиг едилмәси мәһкәмәјә бирбаша мүдахиләдир".
Ф. Гәһрәманлы исә дејиб ки, шаһидләрә полис идарәсиндә ишҝәнҹә вермәк артыг вахт апарыр: "Тәклиф едирәм онлар мәһкәмәјә ҝәтирилсинләр вә бурада ишҝәнҹә вериб әлејһимизә ифадә алсынлар. Мәһкәмә дә сүрәтли шәкилдә кечсин".
Горхумдан ҝөрдүкләрими данышмырам
Тәгсирләндирилән Ибраһим Худавердијев билдириб ки, она едилән ишҝәнҹәләр барәсиндә данышандан сонра һазырда һәбсдә олан оғлуну инҹидибләр:"Она ҝөрә горхумдан ҝөрдүкләрими данышмырам. Мәнә десәниз ки, Әбүлфәз Бүнјатовун евиндә намаз гылмаға ҝөрә сәнә 20 ил ҹәза веририк, гәбул едәҹәм, әҝәр десәниз ки, сәндә гумбара олуб вә 2 ил веририк, буну гәбул етмәјәҹәм. Чүнки мәндә гумбара олмајыб".
Даһа сонра вәкил Јалчын Иманов дејиб ки, Талеһ Бағырзадәнин мүраҹиәт китабы адланан китабча иш материалларында јохдур: "Онлар Баш Мүтәшәккил Ҹинајәткарлыгла Мүбаризә Идарәсиндә сахланылыр. Истәјириконунлатанышолаг".
