Әһлибејт (ә) Хәбәр Аҝентлијинин вердији мәлумата ҝөрә- Иш үзрә вәкилләрин АПА-ја билдирдијинә ҝөрә, һазырда ҹинајәт иши материаллары илә таныш олурлар. Ардынҹа ҹинајәт иши мәһкәмәјә ҝөндәриләҹәк. Онлар һакимијјәт әлејһинә иғтишашларда вә бир сыра ағыр ҹинајәтләрдә шәрләнирләр.
Өтән ил нојабрын 26-да Нардаран гәсәбәсиндә кечирилән хүсуси әмәлијјатда икиси полис олмагла, алты шәхс һәлак олуб.
Рәсми билҝиләрә ҝөрә, “Мүсәлман Бирлији” Һәрәкатынын 70-дән чох тәрәфдары һәбс едилиб (Һүгуг мүдафиәчиләринин сијаһысында бу рәгәм 87 ҝөстәрилир). Даһа јүнҝүл маддәләрлә иттиһам едиләнләрин мәһкәмәси баша чатыб. Һәмин шәхсләр 1 ил 6 ајдан 6 ил 6 аја гәдәр һәбс ҹәзасы алыблар.
“Мүсәлман Бирлији” Һәрәкатынын сәдри Талеһ Бағырзадә, Аббас Һүсејнов вә даһа 16 нәфәрин мәһкәмәси ајрылыгда давам едир. Т.Бағыров вә онунла сахлананлар гәтлдә вә бир чох башга ағыр ҹинајәтләрдә ҝунаһландырылырлар. Тәгсирләндирилән бу иттиһамлары рәдд едир, ифадәләрин ишҝәнҹә алтында алындығыны билдирирләр.
Мәһкәмәдә зәрәрчәкән кими ифадә верән ДИН Баш Мүтәшәккил Ҹинајәткарлыгла Мүбаризә Идарәсинин әмәкдашлары “Нардаран иши”ндә һәбс олунанлара ишҝәнҹә верилмәси илә бағлы дејиләнләри тәкзиб едибләр.
Гејд едәк ки, Мүсәлман бирлији һәрәкаты өлкәдә баш верән өзбашыналығын әлејһинә галхдығы үчүн дөвләт органлары тәрәфиндән репресијалара мәруз галыр. Инһисарчылыг, рүшвәтхорлуг вә саир кими гејри гануни вә инсани принсипләрә зидд олан әмәлләрә етираз етдикләри үчүн онлара гаршы тәзјигләр олунур.
abna24.com-диггәт! хәбәрдән истифадә етдикдә мәнбәјә истинад лазымдыр!
