Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн Сурија Ордусу вә көнүллү халг дәстәләринин бирҝә кечиртдији әмәлијјатлар нәтиҹәсиндә Һәма вилајәтинин шималындакы Мәан шәһәринин гәрбиндә јерләшән Әл-Мәдадҹин, Әл-Бурҹ, Дәһрат Әл-Гатис мәнтәгә вә Һирбәт Каһилијә јүксәкликләри сәләфи террорчуларын ишғалындан азад едилиб.
Ҝәрҝин дөјүшләр нәтиҹәсиндә АБШ, сионист исраил вә Гәрб Бирлији тәрәфиндән сөздә јумушаг мүхалифәт адланан “Ҹејшул Иззә”, “Әһрар әш-Шам” вә “Ҹејшул Нәср” террорчуларындан хејли сајда үнсүр мәһв едилиб. Бундан әлавә Сурија ордусу террорчуларын Һәма вилајәтинин шималында јерләшән Соран шәһәринин шәрҝиндәки мөвгеләринә һүҹум едиб.
Нәтиҹәдә орду вә террорчулар арасында шиддәтли дөјүшләр баш вериб. Һазырда Сурија ордусу Һәма вилајәтинин шималында террорчулара гаршы әмәлијјатлары давам етдирир.
Һәмчинин Сурија ордусу Дәмәшг әтрафында јерләшән Әлдарһәбијә гәсәбәси әтрафында террорчуларын ҝенишмигјаслы һүҹумуну да дәф едиб.
Мәлумата ҝөрә, Сурија ордусу террорчулара мәхсус бир нечә танк вә зиреһли техниканы мәһв едәрәк террорчулара мәхсус онларла ҹанлы гүввәни дармадағын едиб.
Гејд едәк ки, Дәмәшг әтрафында јерләшән Гәрби вә Шәрги Гута бөлҝәләри вә Дәрәа шәһәри әразисиндә террорчулара гаршы әмәлијјатлары давам едир.
Диггәт: Хәбәрдән истифадә етдикдә мәнбәјә истинад лазымдыр
