Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасы 2016-ҹы илин јанвар ајында өз су сәрһәдләринә дахил олдуғу сәбәбиндән АБШ Донанмасына аид ики кичик ҝәми илә 10 һәрбчини Фарс көрфәзиндә сахламышды.
Дәнизчиләрин һәбс едиләркән чәкилән ҝөрүнтүләрини телевизијада јајымлајан Иран, мәсәләнин сәһвән баш вердијинин мүәјјән едилдијини вә АБШ-ын Иран Ислам Республикасындан үзр истәдијини билдирәрәк, бири гадын олмагла 10 һәрбчини 16 саат сонра сәрбәст бурахмышды.
Сепаһын ҝенералы Әли Разимҹи журналистләрә вердији ачыгламада һәбс едилән АБШ һәрбчиләри васитәсилә минләрлә сәһифәлик сәнәдләри әлә кечирдикләрини гејд едиб.
Разимҹи сәнәдләрин мәзмуну һаггында исә ачыглама вермәјиб. АБШ һадисәјлә бағлы апардығы истинтаг нәтиҹәсиндә Фарс көрфәзиндә сәһвән Иран су сәрһәдләринә дахил олдуглары сәбәбиндән АБШ һәрбчиләринин сорғу заманы иранлылара бәзи "һәссас мәлуматлар" вердијини ортаја гојмушду.
Диггәт: Хәбәрдән истифадә етдикдә мәнбәјә истинад лазымдыр
