Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мејдан ТВ- јазыр: Лејла Исмајылзадә һәјат јолдашы Талеһ Бағырзадәнин мәһкәмәсиндә фасилә елан олунмасындан фүрсәт тапыб мәһкәмә бинасындан чыхыр вә намаз гылмаға ҝедир. Намазыны битирдикдән сонра јолдашы Талеһ Бағырзадәнин мүһакимә олундуғу Бакы Ағыр Ҹинајәтләр Мәһкәмәсинин гаршысындакы парка ҝәлир. Һиҹаблы, 27 јашлы ҝәнҹ бир ханым јолдашынын үчүнҹү дәфә мүһакимә олунмасына бахмаг үчүн һәр дәфә просесә гатылыр. Бу дәфә дә отуруб фасиләнин битмәсини ҝөзләјир. Лејла ханым үчүн кечмәјән бу вахтда онунла сөһбәтләширик.
- Мәһкәмә неҹә кечди?
- Чох ҝәрҝин кечди. Зәрәрчәкмиш кими, (әслиндә бизимкиләр зәрәр чәкиб Л.И.) о адла ҝәлән "Шрек" ләгәбли "Бандотдел"-ин әмәкдашы ифадә верди. О гәдәр зәиф данышырды ки, һеч адам ешитмирди. Һаким, вәкилләр, мәһкәмәјә ҝәләнләр дәфәләрлә тәкрар еләдиләр ки, бир аз мөһкәм даныш, јенә дә сәсини јүксәлтмәди. Һөрмәтсизлик етди дејә сәс-күј јаранды, ону залдан чыхардылар. Талеһ бәј вурғулады ки, бу адамын "Бандотдел"дә чох јахшы сәси чыхырды, инди јаваш данышмағына бахмајын.
- Бу вахта гәдәр олан мәһкәмәләрә ҝәлмисиниз. Нә гәнаәтә ҝәлирсиниз? Иттиһам сүбут олунурму?
- Чох абсурддур. Һәр кәс билир ки, онлар мәзлум инсанларын даим јанында олдуглары үчүн һагсыз јерә, ибадәт вахты һәбс олунублар. Камран адлы "Бандотдел"-ин ишчисинә вәкил суал верди ки, неҹә олду сән атәш ачылан вахт ҝедиб онлары зәрәрсизләшдирдин. О да вурғулады ки, ағыллары башларына ҝәлди, атәши сахладылар. Орада јенә фасилә верилди. Тәгсирләндирилән шәхсләр буна дөзмәдиләр ки, онсуз да бизә бу вахта гәдәр ишҝәнҹәләр вермисиниз, јенә дә ҝәлиб бурада еһтирамсызлыг едирсиниз. Ора да ҝәлиб шаһидлик анды ичирләр, јәгин анд ичирләр ки, јалан данышаҹағыг. Чох ҝөзәл дә јалан данышырлар. Бир дүз сөһбәтләри олмур.
- Сизҹә, јолдашыныз нијә һәбс олунду?
-Инсанлара олан һагсызлығы дилә ҝәтирдији үчүн һәбс олунду. Һансыса ҹинајәтә әл атмајыб ки, она ҝөрә һәбс олунсун. Инанын, һәр заман өвладларындан чох бу халгы дүшүнүрдү. Евә дә ҝеҹ саатларда ҝәлирди, јенә дә иш, проблемләрлә бағлы данышырды. "Биз исти евимиздәјик, амма еләләри вар күчәдә јашајырлар" - дејирди. Бүтүн проблемләр һаггында дүшүнүрдү.
- Талеһ Бағырзадә мәһкәмәдә билдирди ки, она ишҝәнҹәләр верилиб. Сиз мәһкәмәјә гәдәр билирдиниз ки, јолдашыныз ишҝәнҹәјә мәруз галыб?
- Талеһ бәј тутуландан сонра 3 ај онунла әлагә сахланылмады. Билмәдик һардадыр, һансы вәзијјәтдәдир. Она кими билирдик ки, хүсуси әмәлијјат олуб, бу ҹүр әмәлијјатдан сонра јәгин онлара ишҝәнҹә вериләҹәк. Инсан фикирләшир ки, ишҝәнҹә верилир, амма мәһкәмәләрдә дејилән ағлаҝәлмәз ишҝәнҹәләри фикирләшә билмәздик. Мән фикирләшмәздим ки, тәкҹә Талеһ Бағырзадәни демирәм, инсанлыгдан чыхыб о бириләрә дә бу гәдәр ишҝәнҹә верәрләр. Онлара инсан демәјә дә адамын дили ҝәлмир. Ондан сонра Талеһ бәјлә ҝөрүшдүк, она верилән ишҝәнҹәләри деди. Вурғулады ки, Милли Шураја гаршы ифадә вермәк үчүн ишҝәнҹәләр верилиб. Ишҝәнҹәләрдән сонра сорушуруг "ағрын вармы", дејир: "Јох, јахшыјам, нараһат олмајын". Ишҝәнҹәләрдән сонра да һеч ким ону мүајинә етмәјиб.
- О, ишҝәнҹәләрдән данышанда сиз залда олмусунуз?
- О, ишҝәнҹәләрдән данышанда мәһкәмәдә олмамышам. Көрпәм дүнјаја ҝәлдији үчүн һәмин заманлар мәһкәмәјә ҝәлмәдим. Амма диҝәр гардашларын башына ҝәләнләри мәһкәмәдә ешитдим. Чох нараһат олурам, чох сарсылырам. Интернет васитәсилә Талеһин башына ҝәлән ишҝәнҹәләри охудум. Јолдашым олдуғу үчүн јох, бир инсан кими она чох пис олурам.
- Талеһ Бағырзадә бундан әввәл дә ики дәфә һәбс олунмушду. Ишҝәнҹәләрәмәрузгалдығыныдадемишди...
- Әввәл дә Талеһ бәјә ишҝәнҹәләр олуб, амма о инсанын руһијјәси мәндә нараһатлығы ашағы салыб. О инсанын дөзүмлү олмасы мәндә бир аз раһатлыг јаратмышды. "Бандотдел"-дә олдуғу заманларда даим дуамыз о иди ки, Аллаһ -Тәала она вә диҝәр гардашларымыза елә бир ҝүҹ-гүввәт версин ки, онлар залымын гаршысында әјилмәсинләр, сынмасынлар. Һәмд олсун ки, Аллаһ бизә ону нәсиб еләди. Онлар о инсанларын гаршысында сынмајыблар. Ишҝәнҹәләри охудум, чох нараһат олдум, амма дејәндә ки, һеч кимә гаршы ифадә вермәјиб, онда чох раһатлашдым.
- Дединиз ки, 3-ҹү дәфә ана олдунуз. Бу ушаглардан һансылары доғуланда Талеһ бәј азадлыгда иди?
- Икинҹи вә үчүнҹү ушагларын аталары илә илк ҝөрүшү мәһкәмә залында олду. Талеһ бәј ики өвладынын икисинин дә доғумунда азадлыгда дејилди. Амма һәмд олсун, чох да нараһатлыг һисс еләмәдим. Аталарынын өвладларынын јанында олмамасынын бу ушагларын тәрбијәсиндә ҝөзәл рол ојнајаҹағыны дүшүнүрәм. Бу бахымдан ки, бир аз бөјүјән заман "мән дүнјаја ҝәлдијим заман атам нијә јанымда јох иди" дејә арашдырса, елә бу, онун тәрбијәси үчүн кифајәт едәр. Атасы һагсызлыға сусмадығы үчүн, һәр заман мәзлумларын јанында олдуғу үчүн һәбс олунуб. Бунлары билдикдә, онларын тәрбијәсинә мүсбәт тәсир едәҹәјинә инанырам.
- Ушагларынызын нечә јашы вар ?
- Бөјүк ушағын 7, икинҹи 5 јашында, үчүнҹү ушаг ики ајлыгдыр.
- Ушаглары мәһкәмәјә нә вахт ҝәтирмишдиниз ?
- Һарадаса ики һәфтә әввәл ушаглары ҝәтирдим, мәһкәмә залында аталарын ҝөрдүләр.
- Ушағы гуҹағына алмаға иҹазә вердиләр ?
- Бармаглыгларын архасындан ушағы өпдү, верди мәнә. Дејиләнә ҝөрә, иҹазә јохдур, она ҝөрә бармаглыгларын архасындан өпә билди.
- Бакы Истинтаг Тәҹридханасында јолдашынызла ҝөрүшә билирсинизми?
- Шүшә архасындан иҹазә верирләр. Отаг истәмишик, "иҹазә јохдур" дејирләр. Бизә гәтијјән јахынлашдырмырлар. Һәфтәдә ики дәфә телефонла данышырам. Амма ушаглары Күрдәханыја апармамышам.
- Ушагларынызын ады нәдир ?
- Бөјүк Муһаммәдһәсән, икинҹи Муһаммәдһүсејн, үчүнҹү Әбәлфәзл Аббас. Үчүнүн дә адыны Талеһ бәј гојуб.
- Сонунҹу ушағын да адыны о гојуб?
- Бәли, һәбсиндән әввәл демишди ки, ады Әбәлфәз лАббас олсун. Пејғәмбәримиздән дә һәдис вар ки, атанын өвлад гаршысында ики бөјүк һаггы вар, өвладына ҝөзәл тәрбијә вермәк вә өвладына ҝөзәл ад гојмаг. Һәмд олсун ки, Талеһ Бағырзадә буну јеринә јетириб. Дејә биләрсиниз ки, өвладлар балаҹадыр, аталарыны ҝөрмәјиб, неҹә тәрбијә верә биләр? Аталарынын бу јолда олмасы, нечә илләрдир зинданда олмасы ҝөзәл бир тәрбијәдир.
- Ушағы доғуланда өзүнүн хәбәри вар иди?
- Хејр. Евлә әлагә сахлаја билмәмишди. Үч ҝүн сонра әлагә сахлајанда билди.
- Бөјүк оғлунуз јәгин ки, атасы илә бағлы суаллар верир. Нә дејирсиниз?
- Илк һәбси заманы һарада олдуғуну сорушурду. Аз-чох баша салырдыг. Бөјүк оғлум да јенә ҝедиб мәһкәмә залында ҝөрүшмүшдү. "Ата, сән һарадасан, бура һарадыр?"- дејә сорушду. О демишди ки, бура истираһәт мәркәзидир, динҹәлмәјә ҝәлмишәм. Бир мүддәт кечәндән сонра баша салды ки, бура зиндандыр вә мән нәјә ҝөрә бу зиндандајам. Бағчаја да ҝедәндә сорушурдулар ки, атан һарададыр. Һәтта Муһәммәдһәсәнә суал верилмишди: "Баҹылар һиҹабы ачсын, атаны бурахсынлар? Нә олар ки, ики-үч баҹынын һиҹаб бағламасы илә?!" Демишди ки, хејр, ата зинданда галсын, амма баҹылар һиҹабы бағласын.
- Јолдашынызын ушаглары илә үнсијјәти неҹә иди? Мәсафәли давранырды, јохса јахына бурахырды?
- Һәр заман мәсафәли давранырды. Һәтта дәфәләрлә сорушурдум ки, нијә бу гәдәр мәсафәли давранырсан. О вурғулајырды ки, мән зинданда чох олурам, әҝәр онлары чох јахына бурахсам, сонра ајрылыг чәтин олаҹаг. Она ҝөрә дә өвладлары илә арасында һәр заман мәсафә гојурду. Буну она ҝөрә едирди ки, онун үчүн чох дарыхмасынлар. Амма ушаглар ону чох истәјирләр, чох да дарыхырлар. Һәмд олсун ки, аталарынын нијә орада олдуғуну дәрк едирләр. Бөјүк инсан кими гаршылајырлар. Талеһ бәј бөјүк оғлумла телефонла данышыр. Бөјүк оғлум бу ил биринҹи синифә ҝетди. Талеһ бәј оғлуна һәр даим дәрсләриндә мүвәффәгијјәт әлдә етмәјини тапшырыр. Дејир ки, дәрсләринә диггәт ет. Муһаммәдһәсән дә дејир ки, мән атам кими алим олаҹам, охујуб елмли олаҹам.
- Талеһ бәј һәбсиндән әввәл Нардарана ҝедәндә сизи дә ора апармышды, јохса тәк ҝетмишди?
- Тәк ҝетмишди. Полисә чағырылыб она тәзјиг олунандан сонра Елчин Гасымлы да һәбс олунду, она ҝөрә Нардаранда галмаг гәрарына ҝәлди. Сакитлик олсун дејә ора ҝетмәји сечди. Һадисә вахты да мән Нарадаранда дејилдим. Бир нечә ҝүн өнҹә рајона ҝетмишдим. Она ҝөрә Талеһи чох ҝөрә билмәмишдим. Елә һадисә олан ҝүн биз һазырлашырдыг ҝәләк, ахырынҹы дәфә дә Талеһ бәјлә данышдыг телефонла, сорушду ҝәлирсиниз, дедим "бәли". Һадисә олду, әшјаларын һамысы гапынын ағзында галды. Ондан сонра да ҝөрә билмәдик. Һәмин ҝүн биз ону ҝөрмәјә ҝедәҹәкдик. Амма һәмин ҝүн Бакыја ҝәлә билмәдик. 3 ај билмәдик ки, о һардадыр. "Бандотдел"ә јемәк дә, палтар да ҝөндәрирдик, гәбул еләмирдиләр.
-Сизә демишди ки, һәбс олуна биләр?
- Әлбәттә ки...Һәр ан буну ҝөзләјирдик. Биринҹи һәбсиндән, икинҹи һәбсиндән сонра да...
- Тәкбашына 3 ушаг бөјүдүрсүнүз, һансы чәтинликләриниз вар?
- Дүздүр, чәтин олур. Амма јенә дә өһдәсиндән ҝәлирик. Илк өнҹә дәстәјимиз Аллаһ, сонра аиләләр, баҹы-гардашлар, дост-танышдыр. Өнҹәдән Һаҹы Талеһә дедик ки, гәти шәкилдә бизимлә бағлы нараһатлығы олмасын. Аиләдән нараһат олса, әлбәт ки, мүбаризә апара билмәз. Аилә сарыдан бу инсан раһат олмалыдыр ки, бу јола сабит гәдәм гоја билсин.
- Мәһкәмәдән ҝөзләнтиниз нәдир?
- Бунлардан һагг-әдаләт ҝөзләмирик. Һагсыз мүһакимә олунурлар, белә дә давам едәҹәк. Она верилән маддәләр чох ил тәләб едир. Иттиһамлар ҹәза мүддәтинин ән јүксәјини Талеһ бәјә ҝөстәрир.
- Өзүнүзү бу ҹүр гәрарлара һазырламысынызмы?
- Бәли. Һөкм охуна биләр, охунаҹаг да, анҹаг Талеһ бәј ону сона кими јатмајаҹаг. Мән өзүмү она һазырламышам. Талеһ Бағырзадә сонаҹан о һәбси јатмајаҹаг вә диҝәрләри дә еләҹә... Илк өнҹә Аллаһымыза архаланыб дејирәм, икинҹи дә һара лазымдырса, оралара да мүраҹиәт олунаҹаг. Ҝеҹи-тези вар, бу һагсызлыг әлбәттә ки, үзә чыхаҹаг. Белә давам еләмәјәҹәк.
Диггәт: Хәбәрдәнистифадәетдикдәмәнбәјәистинадлазымдыр
