Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹанда дини фанатизм вә радикализм зәмининдә мәҹбури дини етигада, дини мәрасим кечирмәјә, дини ҹәрәјана гошулмаға, дини тәһсил алмаға вадар етмәјә ҝөрә сәрт ҹәзалар тәтбиг олунур.
Милли Мәҹлисдән Фемида.аз-а верилән мәлумата ҝөрә, бунунла бағлы Ҹинајәт Мәҹәлләсинә јени 167-1.4 маддәсинин әлавә едилмәси тәклиф олунур.
Тәклиф олунан маддәјә әсасән, дини дүшмәнчилик, радикализм вә ја фанатизм зәмининдә шәхси һәр һансы динә (дини ҹәрәјана) етигад етмәјә, о ҹүмләдән дини ајин вә мәрасимләри јеринә јетирмәјә , дини ајин вә мәрасимләрдә иштирак етмәјә, һабелә дини тәһсил алмаға мәҹбур едән шәхсләр 7000 манатдан 9000 маната гәдәр ҹәримәләнәҹәк вә ја 2 илдән 5 иләдәк мүддәтә азадлыгдан мәһрум едиләҹәк.
Лајиһә Илһам Әлијев тәрәфиндән Милли Мәҹлисә тәгдим олунуб.
Диггәт: Хәбәрдән истифадә етдикдә мәнбәјә истинад лазымдыр
