Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Бәһрејн һаким кәсилмиш Али Хәлифә режиминин ән бөјүк мүхалиф тәшкилатларындан олан "әл-Вифаг" ҹәмијјәтинин һәбсдә олан сәдри Шејх Әли Салман БМТ Инсан Һагглары Шурасына етираз мәктубу үнванлајараг Хәлифә сүлаләсинин өлкәдәки Шиә мүсәлманларына гаршы ајры-сечкилик етдијини вә БМТ-нин буна ҝөз јүммасыны гынајыб.
"Бәһрејн халгы өз һаггыны һөкумәтдән тәләб едир. Халгын истәји демократијадыр. БМТ Инсан Һагглары Шурасы Бәһрејн һакимијјәти барәдә аддымлар атмалыдыр", дејә Шејх ӘЫи Салман мәктубунда вурғулајыб.
Мәлумата ҝөрә, БМТ-нин Инсан Һүгуглары Үзрә Али Комиссарлығы да, Шејх ӘЫи Салманын үнванладығы мәктубун давамында Бәһрејндә Инсан һүгугларынын позулмасынын сәнҝимәмәсини тәнгид едиб.
БМТ-нин инсан һүгуглары үзрә али комиссары Зејд ибн Раад әл-Һүсејн дүнән мәсәлә илә бағлы вердији ачыгламада Бәһрејндә инсан һүгугларынын позулмасыны писләјәрәк, һәбсләрин һәлә дә давам етдирилмәси, халг етиразларынын гаршысынын алынмасы вә өлкәдәки мөвҹуд һуманитар һүгугларын фаҹиә сәвијјәсинә чатдығыны ачыглајыб.
Диггәт: Хәбәрдән истифадә етдикдә мәнбәјә истинад лазымдыр
